Mpaka Akombole Kupilila Pasikwasoŵa Mbiya

Masiku gambesi gano umi wetu ukusimana ni yakusawusya yejinji. Patukuŵandichila mbesi ja chilambochi tujembecheyeje kuti yakusawusya chiyitupeje. Ndaŵi sine mpaka tusoŵeje yindu yakusosechela paumi wetu. (Hab 3:16-18) Ana ni chichi champaka chitukamuchisye kupilila pasikutusoŵa mbiya? Ndaŵi syosope tumdalileje Yehofa Mlungu. Jwalakwe jwasasile kala kuti chachasamalila chenene ŵakutumichila ŵakwe. Myoyo mpaka atupe yatukusosechela.—Sal 37:18, 19; Ahe 13:5, 6.

Yampaka Atende:

• Amŵende Yehofa kuti ŵalongoleleje, ŵape lunda soni kuti ŵakamuchisyeje.—Sal 62:8

• Aŵeje ŵakoseka kukamula masengo atamose gele nganakamuleje chitandilile.—g-CN 1/10 8-9, libokosi

• Akole ndandanda jakutendela yindu yausimu, mpela kuŵalanga Maloŵe ga Mlungu lisiku lililyose, kusimanikwa pamisongano, soni kulalichila

ALOLELE FIDIYO JAKUTI ATAŴE NYUMBA JAKULIMBA—MWAKUŴA ‘ŴAKWIKUTILA NI YINDU YAKWETE PANDAŴIJO.’ KANEKO AKAMBILANE YIWUSYO AYI:

• Ana maŵasa gane gasimene ni yakusawusya yapi?

• Ana chindu chakusosekwa mnope paumi chili chichi?

• Ana mpaka twakamuchisye chamtuli ŵandu ŵasikwasoŵa mbiya?