Tulindililejepe Mwakupilila

Ana aŵele ali mkulindilila kwika kwa Ucimwene wa Mlungu kwandaŵi jelewu camtuli? Ana aŵele ali mkupilila atamose kuti akusimana ni yakusawusya? (Alo. 8:25) Aklistu ŵane akusimana ni yakusawusya mpela kuŵenjedwa, kutendeledwa yangali cilungamo, kutaŵidwa, kapena kogoyedwa kuti cawulajidwe. Ŵandu ŵajinjisoni akupilila yakusawusya mpela yilwele kapena ucekulu.

Ana cici campaka citukamucisye kwembeceya mwakupilila patukusimana ni yakusawusya? Tukusosekwa tukusyeje cikulupi cetu mwa kuŵalanga Baibulo lisiku lililyose soni ganicisya yatuŵalasileyo. Tuganicisyeje mnope ya cembeceyo cetu. (2 Akoli. 4:16-18; Aheb. 12:2) Tukusosekwa tumyicileje Yehofa mwipopelo, soni kumŵenda macili ga msimu weswela. (Luk. 11:10, 13; Aheb. 5:7) Atati ŵetu ŵacinonyelo mpaka atukamucisye “kupilila yosope soni kuŵa ŵakuwusimana mtima nambosoni ŵakusangalala.”—Akolo. 1:11.

ALOLELE FIDIYO JAKUTI, TUKUSOSEKWA “KUWUTUKA MWAKUPILILA”—AŴEJE ŴAKULUPICIKA KUTI AKAPOCELE MBOTE, KANEKO AJANJE YIWUSYO YAKUYICISYAYI:

• 

  Ana ni “yakutendekwa yangayijembecela” yapi yampaka tusimane nayo? (Jwak. 9:11)

• 

  Ana lipopelo mpaka litukamucisye camtuli patusimene ni yakusawusya?

• 

  Naga nganituŵa tukombwele kutenda yejinji pakumtumicila Yehofa mpela mutwatendelaga kala, ligongo cici tukusosekwa kutendaga yampaka tukombole?

• 

  Ana cici cacikwakamucisya wawojo kuti ajendelecele kuŵa ŵakulupicika kuti akapocele mbote?