CHIPANJE CHAKUSIMANIKWA M’MALOŴE GA MLUNGU

Asagule Mwalunda Mundu Jwakulombana Najo

Solomoni jwatesile yindu mwangali lunda paŵalombele achakongwe ŵangamlambila Yehofa (1Ay 11:1, 2; w18.07 18 ¶7)

Achakongweŵa ŵamsokonasisye mtwe Solomoni mwamti jwalesile mkutumichila Yehofa (1Ay 11: 3-6; w19.01 15 ¶6)

Yehofa ŵamtumbilile Solomoni (1Ay 11:9, 10; w18.07 19 ¶9)

Collage: Mlongo jwangalombela akulijiganya Baibulo soni akuganichisya ya m’bale jwangalombela. 1. M’balejo akwanga pamisongano ja mpingo. 2. Akulalichila ku malo gakusimanikwa ŵandu ŵajinji. 3. Akukamuchisya kulinganya yayijonasiche pa Nyumba ja Uchimwene.

Maloŵe ga Mlungu gakusigalimbikasya Aklistu ŵangalombela kuti alombaneje ni “mklistu” mjawo kapena kuti alombeleje mwa Ambuje. (1Ak 7:39) Nambo kubatisidwa kwangamtendekasya mundu kuŵa jwakuŵajilwa kulombana najo. Ana mundu jwakusaka kulombana najojo chachakamuchisya kumtumichila Yehofa ni umi wawo wosope? Ana mundujo alosisye kuti akusamnonyela Yehofa yisyesyene kwa ndaŵi jelewu? Mkanalombele ammanyilile chenene mundu jwakusaka kulombana najojo.