Amtumichileje Yehofa

Naga wawojo ali Mklistu jwachinyamata, kapena akulijiganya Baibulo, ana akwete chakulinga chakuti abatisidwe? Ligongo chichi akusosekwa kuti abatisidwe? Kulipeleka soni kubatiswa chiyakamuchisye kuti aŵe paunasi wapajika ni Yehofa (Sal. 91:1) Soni yichakamuchisya kuti chakulupuche. (1 Pet. 3:21) Ana mpaka atende wuli kuti abatiswe?

Aŵeje ŵakusimichisya kuti yakulijiganyayo yili yisyesyene. Naga akukayichila yineyakwe awungunyeje jika. (Alo. 12:2) Aloleje yindu yakusosekwa kuchenga pa umi wawo, soni atendeje yindu yakumsangalasya Yehofa. (Mis. 27:11; Aef. 4:23, 24) Ndaŵi syosope apopeleje kwa jwalakwe kuti ŵakamuchisye. Aŵeje ŵakusimichisya kuti Yehofa chachapa machili ga msimu wakwe weswela kuti galimbisye ni kwakamuchisya. (1 Pet. 5:10, 11) Kulimbichila kwakutenda kuti abatiswe kuchiŵa ni yakuyichisya yambone. Kutumichila Yehofa chili chindu chambone mnope champaka tutende paumi!—Sal. 16:11.

ALOLELE FIDIYO JAKUTI, YAMPAKA ATENDE KUTI ABATISWE, KANEKO AJANJE YIWUSYO AYI:

• Ana ni yakusawusya yapi yasimene nayo ŵane kuti abatiswe?

• Ana mpaka akusye wuli chikulupi chachikusasosechela kuti alipeleche kwa Yehofa?

• Ana chichi chachalimbikasisye ŵane kusachilila kubatiswa?

• Ana Yehofa akusiŵapa upile wamtuli ŵandu ŵasagwile kumtumichila jwalakwe?

• Ana kulipeleka ni kubatiswa kukusagopolela chichi?