Kongolela Katende Ketu Ka Utumiki​—Kulalichila Pakamulichisya Masengo Kamela Kapena Intakomu

LIGONGO CHICHI KULI KWAKUSOSEKWA: Kwawula pasogolo kwa yindu yamakono, soni kutupa kwa yindu yachiwawa yitendekasisye kuti ŵandu aŵicheje makamela soni ma intakomu pa nyumba syawo pakusaka kulichenjela. Yeleyi mpaka yitutendekasyeje woga kwalalichila ŵandu mpela ŵeleŵa. Yindu yakuyichisyayi mpaka yitukamuchisye kuti tuŵe ŵakulimba mtima patukulalichila kwa ŵanduŵa.

MWAMPAKA TUTENDELE:

• Akoleje nganisyo syambone. Ŵajinji ŵakwete makamela soni ma intakomu panyumba pawo akusaŵa ŵakusachilila kuŵechetana ni m’weji

• Akumbuchileje kuti makamela gane gakusatanda kwambula wawojo mkanajimbe belo soni msyenenyumba mpaka ŵawoneje soni kwapikana wawojo pagambile kuŵandichila pamalo ga msyenenyumbajo

• Msyenenyumba pajanjile, aŵechetaneje najo kupitila pa intakomu kapena kamela. Pakutenda yeleyi, akusosekwa amwetulile soni kuŵecheta mwachipago. Aŵecheteje yindu yaŵakosechele wawojo kuti amsalile mpela mwakatendele ali awonegene meso ni meso. Naga pamlangopo pana kamela akajiŵandichila mnope. Naga msyenenyumba ngakwanga, akaleka utenga

• Akumbuchileje kuti atamose ali amalisisye kuŵechetana ni msyenenyumba, jwalakwe mpaka ŵawonejepe soni kwapikana