UMI WETU WACIKLISTU
Tulosyeje Ndamo Syambone Patuyice Pamlango
Aklistu ali mpela ‘cilocesyo kucilambo.’ (1 Akoli. 4:9) M’yoyo, ngayikusosekwa kutusimonjesya naga acimsyene nyumba ŵane akutulingulila paliwindo kapena kupikanila ali ajimi kusyeto kwa litanga. Panyumbapo mpaka paŵesoni kamela jakwambula yakutendekwa soni cakwambulila maloŵe, yampaka yimkamucisye msyene nyumba kutuwona, kupikana yatukuŵeceta, soni kwambula maloŵe getu. Mpaka tulosye ndamo syambone patuyice pamlango pa mundu m’matala gakuyicisyaga.—2 Akoli. 6:3.
MWA NDAMO JAWO (Afi. 1:27):
Acimbicisyeje pa nyumba ja mundu mwakuŵambala kulingulila m’nyumba. Aŵambaleje kulya, kumwa, kwimba foni, kapena kutumisya mautenga ali ajimi pamlango pa msyene
MWA YAKUŴECETA YAWO (Aef. 4:29):
Pali pamlango, ngakusosekwa kusala cilicose cangasosekwa kucipikana msyene nyumba. Ŵakulalicila ŵane mpaka agambe kusagula kwimika kutagulilana kwakandaŵi kuti aganicisye yampaka aŵecete