Kulalichila Soni Kwiganya

Mose ali apochele utumiki wakuti atende, pandanda jwakayichilaga naga mpaka akwanisye. (Eks. 4:10, 13) Ana pakwete palipikene mpela muŵatendele Mose? Ana apano akulijiganya Baibulo ni jwa Mboni sya Yehofa? Ni mwine akusakayichilaga naga chachikombola kulalichila nyumba ni nyumba. Naga ali jwachinyamata jwa pasukulu mwine akusatenda woga kulalichila kwa achimjawo kusukuluko. Mwinesoni akusatenda woga kulalichila m’malo gakusimanikwa ŵandu ŵajinji kapena pa foni. Naga yili myoyo, akusosekwa kumŵenda Yehofa kuti ŵape msimu wakwe wampaka wakamuchisye kuŵa ŵakulimba mtima. (1 Pet. 4:11) Aŵe ŵakusimichisya kuti Yehofa mpaka ŵakamuchisye kukwanilisya utumiki uliwose wampaka ŵape.—Eks. 4:11, 12.

ALOLELE FIDIYO JAKUTI, AŴEJE ŴAKULIMBA MTIMA . . . JWAKULALICHILA, KANEKA AJANJE YIWUSYO AYI:

• Ana mlongoju ŵasimene ni chakusawusya chamtuli?

• Ana chichi chachamkamuchisye kuŵasoni jwakulimba?—Yel. 20:7-9

• Ana jwapatile upile wamtuli ligongo lyakutenda yejinji mu utumiki wa Yehofa?

• Ana ni yakusawusya yapi yakusimana nayo mu utumiki yampaka Yehofa ŵakamuchisye?