UMI WETU WACHIKLISTU

Ana Mpaka Tulijiganye Chichi Kutyochela kwa Aklistu Ŵakumanyilila Yejinji?

Ku mipingo jetu tukwete abale ni alongo ŵatumichile Yehofa kwa yaka yejinji. Mpaka tulijiganye kumdalila mnope Yehofa kutyochela kwa jemanjaji. Mpaka twawusye jemanjaji yakwamba mbili ja gulu ja Yehofa, soni yatite Yehofa pakwakamuchisya kupilila yakusawusya yaŵele mkusimana nayo. Mpaka twaŵilanjile pa Kulambila kwa Peŵasa ni chakulinga chakuti twawusye yine mwa yindu yakuyimanyilila.

Naga atumichile Yehofa kwa yaka yejinji aŵeje ŵakusachilila kwasalila ŵachinyamata yatite Yehofa pakwakamuchisya wawojo. Yakobo ni Yosefe ŵasalile ŵanache ŵakwe yindu yaŵaŵele Yehofa ali mkwatendela (Gen. 48:21, 22; 50:24, 25) Kaneko Yehofa ŵajembecheyaga kuti mitwe ja maŵasa chijajiganyeje ŵanache ŵawo pakwamba yindu yatesile jwalakwe. (Det. 4:9, 10; Sal. 78:4-7) Masiku agano, achinangolo soni ŵandu ŵane mumpingo mpaka ŵasalileje ŵachinyamata yindu yakusimonjesya yakwanilisye Yehofa kuyitenda kupitila mu gulu jakwe.

ALOLELE FIDIYO JAKUTI, TUŴEJE ŴAKAMULANA MASENGO GETU PAGALEKASISYE, KANEKO AJANJE YIWUSYO AYI:

Ana nyambi ja Austria jakamuchisye chamtuli abale ŵa m’yilambo yine kwele ŵalekasisye masengo getu?
Ana abale ŵa m’yilambo yeleyi ŵalosisye chamtuli kuti ŵakwete chikulupi chakulimba?
Ligongo chichi ŵakulalichila ŵajinji ku Romania ŵalesile kwakandaŵi gulu ja Yehofa, soni ana ŵawujile chamtuli?
Ana yiŵasimene nayoyi yikulimbikasya chamtuli chikulupi chetu?

Chiwulili: Tumafidiyo twakutyochela mu fidiyo ja mtwe wakuti, ‘Tuŵeje Ŵakamulana Masengo Getu Pagalekasisye.’ 1. Mapu gakulosya yilambo ya kungopoko lyuŵa kwa Europe kwele masengo getu ŵagalekasisye. 2. Machini gakupulintila yipepala. 3. Abale ŵa ku Romanian akuhagana. — Alijiganye yejinji kutyochela kwa ŵakalambale yampaka yakamuchisye kulimbisya chikulupi chawo.