Ana Ŵalombane Mpaka Alimbisye Chamtuli Ulombela Wawo?

Abulahamu ni Sala ali chisyasyo chambone kwa ŵalombane ŵakusanonyelana soni kuchimbichisyana. (Gen. 12:11-13; 1 Pet. 3:6) Atamose kuti liŵasali lyaliji lyangali umlama, nambope lyapililaga yakusawusya ya paumi. Ana maŵasa mpaka gajijiganye chichi pa chisyasyo cha Abulahamu soni Sala?

Akambilaneje. Naga mjawo jwa mu ulombela aŵechete yakwatumbilikasya ajanjeje mwakulinandiya. (Gen. 16:5, 6) Apateje ndaŵi jakunguluchila yimpepe. Yakuŵecheta soni yitendo yawo yilosyeje kuti akusamnonyela mjawo jwa mu ulombela. Kupunda yosope, asimichisyeje kuti wosope ali paunasi wambone ni Yehofa mwakulijiganya, kupopela soni kulambila yimpepe. (Jwak. 4:12) Maŵasa gakulimba gakusamchimbichisya Yehofa, jwali Mkutandisya jwa ulombela.

AlOSYE FIDIYO JAKUTI, YAMPAKA ATENDE PAKULIMBISYA ULOMBELA WAWO, KANEKO AJANJE YIWUSYO AYI:

• Mu fidiyoji, ana yindu yapi yayilosisyeje kuti Shaan ni Kiara nganakamulanaga?

• Ligongo chichi kukambilana mwakuwona mtima kuli kwakusosekwa mnope mu ulombela?

• Ana chisyasyo cha Abulahamu ni Sala chakamuchisye chamtuli Shaan ni Kiara?

• Ana yindu yapi yatesile Shaan ni Kiara kuti alimbisye ulombela wawo?

• Ligongo chichi ŵalombane ngakusosekwa kuganisya kuti ndaŵi syosope mjawo jwa mu ulombela chatendeje yindu yambonepe?