Awuchenjeleje Ulombela Wawo

Yehofa akusayiwona yilanga ya ulombela kuŵa yakusosekwa mnope. Mwamti jwalakwe akusasaka kuti jwamlume ni jwamkongwe aŵeje ŵakamulana mnope. (Mat. 19:5, 6) Pasikati pa ŵandu ŵa Mlungu pana maŵasa gejinji gagakusatama mwakusangalala. Nambope pangali liŵasa lyalili lya mlama. Mwamti maŵasaga gakusasimanasoni ni yakusawusya. Ngatukusosekwa kujigalila nganisyo sya ŵandu ŵakusayiwona kuti naga akusimana ni yakusawusya mu ulombela kuli chenene kwamba kuwunduka kapena kumasya ulombelawo. Ana Aklistu mpaka awuchenjele chamtuli ulombela wawo?

Yindu msano yakuyichisyayi mpaka yitukamuchisye.

1. Tuwuteteyeje mtima wetu, mwakuŵambala kopana ni mundu jwine. Soni tuŵambaleje yakusangalasya yakusakala yampaka yisokonasye maŵasa getu.—Mat. 5:28; 2 Pet. 2:14.

2. Tuŵeje paunasi wakulimba ni Mlungu, soni tutendeje yindu yakumsangalasya jwalakwe mu ulombela mwetu.—Sal. 97:10.

3. Tupitilisye kuwala umundu wasambano, soni tutendeje yindu yakuwoneka mpela yamwanamwana yampaka yilosye kuti tukumnonyela mjetu jwa mu ulombela.—Akolo. 3:8-10, 12-14.

4. Tuchimbichisyaneje soni kuŵechetana mwagopoka.—Akolo. 4:6.

5. Tutendeje yindu yakulosya kuti tukumganichisya mjetujo pangani ja kutamila malo gamo.—1 Akoli. 7:3, 4; 10:24.

Naga Aklistu tukuchimbichisya ulombela, tukusaŵa tuli kumchimbisya Yehofa juŵatandisye ulombela.

ALOLELE FIDIYO JAKUTI, TUKUSOSEKWA KUWUTUKA MWAKUPILILA”—TUPIKANILEJE MALAMUSI GAMPIKISANO, KANEKO AJANJE YIWUSYO AYI:

• 

  Atamose kuti ulombela mpaka tuwutande chenene, nambo ni yakusawusya yapi yampaka yipagwe?

• 

  Ana fundo sya m’Baibulo mpaka syakamuchisye chamtuli ŵandu ŵele liŵasa lyawo ngalikwenda chenene?

• 

  Ana ni malamusi gapi gaŵatamilikasisye Yehofa pangani ja ulombela?

• Ana ŵalombane akusosekwa kutendaga yamtuli kuti liŵasa lyawo lijendeje chenene?