Chilambo ‘Chagamisile Mesi Gosope’

Mu mbili josope ja ŵandu, maboma gaŵele mkwakamuchisya ŵandu ŵa Yehofa. (Esa. 6:1-12; Est. 8:10-13) Atamose mu ndaŵi jetu jino tuchiweni “chilambo,” chachikwimila maboma gagakusigaganichisya ŵane. Mabomaga gaŵele gali mkumila “mesi.” Mesiga gali yilagasyo yakutendekwa ni “chingwena,” chachikwimila Satana. (Ciw. 12:16) Ndaŵi sine, Yehofa “Mlungu jwakutukulupusya” mpaka atendekasyeje achakulungwakulungwa ŵaboma kuti ŵakamuchisyeje ŵandu ŵakwe.—Sal. 68:20; Mis. 21:1.

Nambi uli naga wawojo ŵaŵisile mu ndende ligongo lya chikulupi chawo? Akasakayichilaga kuti Yehofa akwalolela wawojo. (Gen. 39:21-23; Sal. 105:17-20) Aŵe ŵakusimichisya kuti chachipochela mbote ligongo lya chikulupi chawo nambosoni kuti kulupichika kwawo kukwalimbikasya abale pa chilambo chosope.—Afil. 1:12-14; Ciw. 2:10.

ALOLELE FIDIYO JAKUTI ABALE ŴA KU KOREA AKWAKOPOSYA MU NDENDE, KANEKO AJANJE YIWUSYO AYI:

• Ana ligongo chichi kwa yaka yejinji abale ŵetu ŵajinji ku South Korea aŵele mkwaŵika mu ndende?

• Ana ni chigamulo chapi chakoti chichakamuchisye kuti ŵane mwa abale ŵakoposye mwachitema?

• Ana mpaka twakamuchisye chamtuli abale ŵetu ŵali mu ndende ligongo lya chikulupi chawo?

• Ana mpaka tukamulichisye masengo chamtuli ufulu watukusangalala nawo?

• Ana ni ŵani ŵakusosekwa kupochela uchimbichimbi ligongo lyakupunda kwetu magambo kukoti?