Ŵacinyamatamwe ‘Mtendeje Citema pa Masengo Gambone’

Mwakusalilidwa, Paulo jwalembile cikalata cakwawula kwa Tito cakusala kuti ŵacinyamata kupwatikapo Tito, ŵasosekwaga kulingalinga kuŵa “cisyasyo pa masengo gambone.” (Tit. 2:6, 7) Kaneko m’cikalata cicici, jwalakwe jwalosisye kuti ŵandu ŵa Mlungu akusaswejesyedwa ni cakulinga cakuti aŵe “ŵakutenda citema pa masengo gosope gambone.” (Tit. 2:14) Gamo mwa masengo gambonega, gali kulalicila soni kwiganya yakwamba Ucimwene wa Mlungu. Naga wawojo ali jwacinyamata, ana mpaka akamulicisye masengo macili gawo pakutenda upayiniya wakamucisya kapena wakutamilicika?—Mis. 20:29.

Naga akusaka kutumicila mpela mpayiniya, alinganye yindu paumi wawo kuti cakombole upayiniyawo. (Luk. 14:28-30) Mwacisyasyo, mpaka aganicisye yacacitenda kuti capateje mbiya syakulikamucisya paumi wawo aku ali mkutenda upayiniya wakutamilicika. Nambosoni yacacitenda kuti akwanilisyeje malipoti gakusosecela. Mpaka amsalile mu lipopelo Yehofa pakwamba ya yeleyi. (Sal. 37:5) Akambilane ni acinangolo ŵawo soni apayiniya ŵane ŵakombwele kutenda yeleyi. Kaneko atende yampaka akombole kuti akwanilisye cakulingaco. Yehofa cacakamucisya kukwanilisya yakulinga yawo pakumtumicila.

ALOLELE FIDIYO JAKUTI, ŴACINYAMATA ŴAKUSAMCIMBICISYA YEHOFA, KANEKO AJANJE YIWUSYO YAKUYICISYAYI:

• Ana yakusawusya yapi yalimbene nayo ŵane kuti atumicile mpela apayiniya soni ana ŵalimbene nayo camtuli?

• Ana acinangolo mpaka ŵakamucisye camtuli ŵanace ŵawo kuti aŵe apayiniya ŵakutamilicika?

• Ana ligongo cici yili yakusosekwa kukola ndandanda jakulalicilila?

• Ana abale ni alongo mpaka amlimbikasye soni kumkamucisya camtuli mpayiniya?

• Ana yindu yambone yapi yakusapata apayiniya?