CIPANJE CAKUSIMANIKWA M’MALOŴE GA MLUNGU | TITO 1–FILIMONI
Mwaŵice Acakulungwa ŵa Mumpingo
Tito ŵatumidwe kuti akaŵice acakulungwa ŵa mumpingo mumsinda uliwose. Masiku aganosoni ŵakulolela mkuli akusatenda yeleyi pakuya cisyasyo ca m’Baibuloci.
LIKUGA LYAKULONGOLELA
Pakuya cisyasyo ca Aklistu ŵa m’yaka 100 yandanda, Likuga Lyakulongolela lyapele udindo ŵakulolela mkuli kuti aŵiceje acakulungwa ni ŵakutumicila ŵakamucisya m’mipingo.
ŴAKULOLELA MKULI
Jwakulolela mkuli jwalijose akusosekwa kuganicisya mwakusamala soni kupopela ya ŵandu ŵele acakulungwa ŵa mumpingo ŵakwaganicisya kuti aŵe pa udindo, kaneko mpaka ŵaŵice naga ali ŵakuŵajilwa.
ACAKULUNGWA ŴA MUMPINGO
Panyuma pakuti acakulungwa ŵa mumpingo asagulidwe, akusosekwape kupitilisya kutenda yindu mwakamulana ni yiwundo ya m’Malemba.