Ŵakamucisyeje Ŵanace Ŵawo Kuti Amkuyeje Klistu

Acinangolo ŵa Ciklistu, akusasangalala mnope pakwawona ŵanace ŵawo “ali mkulikana jika soni kujigala citela cawo cakulagacisya ni kwendelecela kumkuya” Yesu. (Maliko 8:34; 3 Yoh 4) Ana acinangolo mpaka ŵakamucisye camtuli ŵanace ŵawo kuti amkuyeje Yesu, kulipeleka kwa Yehofa, soni kubatiswa? Ana mpaka tumanyilile camtuli kuti ŵanace ŵetu ali ŵakoseka kubatiswa?

Aŵalanje ngani jakuti “Utenga kwa Acinangolo ŵa Ciklistu” kutyocela m’buku ja Likuga Lyakutenda Lisosa lya Yehofa pa peji 168 mpaka 169, kaneko atagulilane yiwusyo yakuyicisyayi:

1. Ana jwakulijiganya ali ŵani?

2. Ana acinangolo akusosekwa kwajiganya cici ŵanace ŵawo?

3. Mwakamulana ni yaka yawo, ana ŵanace mpaka akamulicisye masengo camtuli malemba gakuyicisyaga pa umi wawo kuti aŵajilwe kubatiswa?

   • Akolo. 3:20

   • Luk. 2:46

   • Sal. 122:1

   • Mat. 4:4

   • Mat. 6:33

   • 1 Akoli. 15:33