Kongolela Katende Ketu ka Undumetume—Kutenda Ulendo Wakuwilisya

LIGONGO CICI KULI KWAKUSOSEKWA?: Ŵandu ŵajinji ŵakusaŵa kuti alosisye lung’wani ni utenga wa Ucimwene akusaŵa ali mkusosa usyesyene wakwamba Mlungu. (Yes. 55:6) Pakusaka kusya lung’wanu lwawo, tukusosekwa kuwujilagako ndaŵi ni katema. Ŵandu akusasimana ni yakusawusya yakulekanganalekangana, m’yoyo yatukusatenda pakusya lung’wanu lwawo mpaka yilekanganesoni. Nambope, mpaka twayice pamtima naga tukosecela cenene soni kola cakulinga cakutandisya lijiganyo lya Baibulo pa ulendo wakuwilisya uliwose.

MWAMPAKA TUTENDELE:

• Tuŵeje ŵakusacilila kuwujilako mwacitema, mkanigapite masiku gejinji.—Mat. 13:19

• Tutendeje yindu mwacinonyelo soni mwaucimbicimbi. Tuŵeje ŵakuwusimana mtima

• Tutandeje ni kupeleka moni. Tumkolanjeje lina lyakwe. Tumkumbusyeje ligongo lyakwe tuyicesoni pamlangopo, mwine kukwanga ciwusyo, kukumpa magasini gasambano, kukumlosya webusayiti jetu, kukumlosya fidiyo, kapena kukumlosya mwampaka tutendele lijiganyo lya Baibulo. Tucenjeje yakutagulilanayo naga mundujo atandisye ngani jine jakutesya lung’wanu kwa jwalakwe.—Afi. 2:4

• Tujitileje mbeju sya usyesyene syatupandile m’mitima ja ŵandu mwakutagulilana nawo yiwundo ya m’Baibulo kapena kwalecela magasini. (1 Akoli. 3:6) Tulinjeje kuŵa mwawo paunasi wambone mnope

• Tuleceje ciwusyo catucijanga paulendo wakuyicisya