Ana Cikulupi Cawo Cili Cakulimba Mwamtuli pa Yilanga ya Yehofa?

Yoswa soni Solomoni ŵasimicisye kuti pangali maloŵe atamose gamo ga yilanga ya Yehofa ganganigakwanilicikwa. (Yos. 23:14; 1 Maf. 8:56) Yasyasimicisye mboni siŵilisi yikusatupa cilimbilimbi cakutukamucisya kulimbisya cikulupi cetu.—2 Akoli. 13:1; Tito 1:2.

Ana Yehofa ŵakwanilisye camtuli yilanga yakwe m’masiku ga Yoswa? Yalumo ni liŵasa lyawo, alolele fidiyo jakuti, ‘Pangali Maloŵe Atamose Gamo Ganganigakwanilicikwa.’ Kaneko aganicisye yiwusyo yakuyicisyayi: (1) Ana mpaka asyasye camtuli yaŵatesile Lahabu pakulosya cikulupi? (Ahe. 11:31; Yak. 2:24-26) (2) Ana cisyasyo ca Akani cikusatusimicisya camtuli kuti ungakulupicika ukusalongolela ku conasiko? (3) Ligongo cici Agibeyoni, atamose kuti ŵaliji asilikali ŵamlambwisye Yoswa pakusaka kuŵa pamtendele ni Ayisalayeli? (4) Ana maloŵe ga Yehofa gakwanilicikwe camtuli pandaŵi jele mayimwene msano ga Aamoli ŵajogoyaga Ayisalayeli? (Yos. 10:5-14) (5) Ana Yehofa ŵatendele yamtuli wawojo ligongo lyakuŵika Ucimwene wa Mlungu nambosoni cilungamo cakwe pamalo gandanda pa umi wawo?—Mat. 6:33.

Patukuganicisya yosope yatesile Yehofa, yakutenda apano, soni yacatende kusogoloku, cikulupi cetu pa yilanga yakwe ciciŵe cakulimba.—Alo. 8:31, 32.