CIPANJE CAKUSIMANIKWA M’MALOŴE GA MLUNGU | YEREMIYA 51-52
Maloŵe ga Yehofa Gakusakwanilicikwa Ndendende
Yehofa ŵasasile mkanipaŵe yakutendekwa yamsogolo
Mlonda jwakuponya mipamba ku ucimwene wa Pelesiya
“Msyane mipamba”
51:11, 28
Amedi ni Apelesi ŵaliji acinamatetule pa kuponya mipamba soni ukunje waliji cida cakusosekwa mnope caŵakamulicisyaga masengo. Jemanjaji ŵasyanaga mipamba jawo kuti jipowoleje pa cilu mwacitema
“Acalume ŵamacili ŵa ku Babulo alesile kuputa ngondo”
51:30
Mbili ja Nabonidasi jikusati, “Asilikali ŵa Kolesi ŵajinjile mu msinda wa Babulo mwangasawusya.” Yeleyi yigopolela kuti nganalimbana ni jwalijose mwakamulana ni yaŵasasile jwakulocesya Yelemiya
Mbili ja Nabonidasi
“Babulo caciŵa mawunjili ga maganga [soni] masame mpaka kalakala”
51:37, 62
Kutandila mu 539 B.C.E., ucimbicimbi wa Babulo watandite kunondipa. Alekisanda Jwamkulungwa jwakwete cakulinga cakuti Babulo uŵe msinda wekulungwa, nambo jwawile mwacitema. Cakundanda kwa Ciklistu, Ayuda ŵajinji ŵaliji ciŵela kweleko, yayatendekasisye kuti ndumetume Petulo ajawule ku Babulo. Nambo ca m’ma 400 C.E., msindawu waliji uli masame, soni mwapanandipanandi watandite kuliŵalicika munganisyo mwa ŵandu