Kamucisya Pakutaŵa Soni Kusamalila Malo Getu Gakulambilila

Pakutaŵa nyumba jakulambilila ku Isalayeli papali masengo gamakulungwa mnope, soni pajinjile yindu yejinji. Atamose yaliji m’yoyo, Ayisalayeli ŵalipelece mnope pakamucisya pamasengoga. (1 Mbiri 29:2-9; 2 Mbiri 6:7, 8) Pajatandite kamula masengo, Ayisalayeli ŵajendelecele kulipeleka pakulinganya yayijonasice. Yeleyi yalosisye kuti akusanonyela yindu yausimu. (2 Maf. 22:3-6; 2 Mbiri 28:24; 29:3) Moŵa aganosoni, Aklistu akusamalila ndaŵi, soni macili gawo pakutaŵa, kusamalila, soni kulinganya yayijonasice pa Nyumba sya Ucimwene ni Malo ga Misongano. Welewutu wuli upile wekulungwa ligongo tukusaŵa tuli mkamula masengo ni Yehofa, soni jili mbali ja undumetume wetu wapajika.—Sal. 127:1; Ciu. 7:15.

YAMPAKA TUTENDE PAKAMUCISYA . . .

• 

  Tuswejesyeje malo getu pambesi pa misongano. Naga ngaŵa mkombola, tulokoteje yiswani yayitusyungulile.

• 

  Tujigaleje nawo mbali pakuswejesya Nyumba ja Ucimwene ndaŵi syosope, soni kamucisya kulinganya yayijonasice. Naga tukutenda yeleyi, masengo ngasigasitopa, soni gaciŵa gakusangalasya.—lv 92-93 ndime 18.

• 

  Tukamucisyeje ni mbiya syetu. Yehofa akusasangalala ni kupeleka kwakutyocela pasi pamtima atamose tuli “tumbiya tuŵili.”—Maliko 12:41-44.

• 

  Naga mpaka tukombole, tukamucisyeje pakutaŵa cilicose cakwayana ni kulambila kwetu. Mpaka akamucisye nawo atamose ali ngakumanyilila yakutaŵataŵa.