Ndandanda ja Cijuma ca December 7

Nyimbo 124 ni Lipopelo

cl-CN mtwe 22 ndime 18-22 ni libokosi pa peji 228 (Mamin. 30)

Kuŵalanga Baibulo: 2 Mbiri 10-14 (Mamin. 8)

Na. 1: 2 Mbiri 13:13-22 (Mamin. 3 kapena ngakwana)

Na. 2: Ana Mundu Mpaka Amasye Catuli Cisyoŵe Cakung’andila Kuyalo?—lv peji 218-219 (Mamin. 5)

Na. 3: Ana Lina Lyakuti “Kayisala” Likwimila Ŵani? lv peji 44-45 ndime 18-21 (Mamin. 5)

Mtwe wa Mwesi Awuno: “Tukusosekwa kusimana ni yakusawusya yejinji kuti tukajinjile mu Ucimwene wa Mlungu.”—Mase. 14:22.

Nyimbo 85

Mamin. 10: “Tukusosekwa Kusimana ni Yakusawusya Yejinji Kuti Tukajinjile mu Ucimwene wa Mlungu.” Ngani jakutyocela pa mtwe wa mwesi awuno. Aŵalanje ni kutagulila lilemba lya Masengo 14:21, 22; soni 1 Petulo 4:12-14. (Alole Sanja ja Mlonda ja Ciceŵa ja September 15, 2014, peji 13, ndime 3 mpaka 6.) Mwakata, atagulile ngani sine sya mu undumetume wa mwesi awuno, soni asale kamulana kwakwe ni mtwe wa mwesi awuno. Naga yakomboleka, ŵalimbikasye wosope kuti akalole fidiyo jakuti, ‘Yendani mwa Chikhulupiriro, Osati mwa Zooneka ndi Maso,’ pakosecela ngani ja mu msongano wa undumetume ja cijuma ca malaŵi. Naga yili yakusawusya kulolela vidiyoji komboleka kutagulila ngani jilijose jakulandana ni mbali ajino.

Mamin. 10: Ana Mpaka Ajanje Catuli? (Akolo. 4:6) Ngani jakutyocela mu buku ja Sukulu ya Utumiki, peji 69, ndime 1 mpaka 3. Atende yilosyo yiŵili yakulekangana. M’cilosyo candanda, jwakulalicila ngakwanga cenene pa maloŵe gacipongwe gaŵecete msyenenyumba, yayikutendekasya kuti kaŵecetane kawo kakaŵa kambone. M’cilosyo caŵili msyenenyumba akutendasoni m’yoyo, nambo jwakulalicilajo akwanga mwakuwusimana mtima, yayikutendekasya kuti paŵe kuŵecetana kwambone.

Mamin. 10: “Akuyeje Cisyasyo ca Ŵakulocesya—Habakuku.” Yiwusyo ni kwanga.

Nyimbo 74 ni Lipopelo