Ana Maloŵe ga Mlungu Gakwakamucisya Paumi Wawo?

Kuŵalanga Baibulo lisiku lililyose mpaka kutukamucisye kuti tuŵeje ‘ŵakulimba’ soni “ŵakutamilicika mu cikulupi.” (Akolo. 2:6, 7) Kuti Maloŵe ga Mlungu gaŵeje gamacili paumi wetu, tukusasosekwa kugaganicisya mwakusokoka soni kamulicisya masengo songa syatulijiganyisyesyo. (Ahe. 4:12; Yak. 1:22-25) Lilemba lya Yoswa 1:8 likusasala matala gatatu gampaka gatukamucisye kuti kuŵalanga kwetu Baibulo kuŵeje kwakamucisya: (1) Tuŵalanjeje Maloŵe ga Mlungu “musi ni cilo.” (2) ‘Tuganicisyeje’ mwakusokoka yatuŵalasileyo, yeleyi kuti yikombolece tukawutukaga patukuŵalanga soni tuganicisyeje mbali syakulekanganalekangana syakwamba nganijo. (3) Tukamulicisyeje masengo “yosope yayilembekwe mwelemo.” Kuganicisya m’litala lyeleli, kucitukamucisya kuti ‘yindu yitujendeleje cenene’ soni kuti ‘tutendeje yindu mwalunda’ paumi wetu lisiku lililyose.