Kuwilisya ya mu Sukulu ja Undumetume wa Mlungu

Ana ngani ja pa 2 Mafumu 13:18, 19 jikutujiganya mwatuli kusosekwa kwakumtumicila Mlungu mwamtawu, soni ni mtima wosope? [Sept. 7, w10-CN 4/15 peji 26 ndime 11]

Ana ŵani ŵalamulilaga Yisalayeli pandaŵi jele Yona jwaliji jwakulocesya, soni mwakamulana ni 2 Mafumu 14:23- 25, ligongo cici mpaka tujile kuti ŵatesile undumetume wakwe mwakulimba mtima? [Sept. 7, w09-CN 1/1 peji 25 ndime 4]

Ana Ahasi ŵalosisye catuli kuti nganakulupilila maloŵe gaŵasasile Mlungu kupitila mwa Yesaya, soni ana tukusosekwa kuliwusya ciwusyo capi mkanitutende yakusagula yekulungwakulungwa? (2 Maf. 16:7) [Sept. 14, w13-CN 11/15 peji 17 ndime 5]

Ana lelo jino ŵandu ŵakusatusisya akusatenda yatuli yakulandana ni yaŵatesile Rabisake, soni ana cici campaka citukamucisye kuti tukasikosyaga nganisyo sya ŵakusisyawo? (2 Maf. 18:19, 22) [Sept. 14, w10-CN 7/15 peji 13 ndime 3-4]

Ana cisyasyo cakulinandiya ca Yosiya mpaka citukamucisye catuli patukuŵalanga soni kulijiganya Baibulo? (2 Maf. 22:19, 20) [Sept. 21, w00-CN 3/1 peji 30 ndime 2]

Ana yindu yakuwukulidwa m’masame yikusatusimicisya catuli kuti kwapali mayimwene gagakolasile pa 2 Mafumu 25:27- 30? [Sept. 28, w12-CN 6/1 peji 5 ndime 2-3]

Ana Yabesi ŵam’ŵendile Yehofa yindu yitatu yapi, soni ana yeleyi yikutujiganya cici pakwamba ya lipopelo? (1 Mbiri 4: 9, 10) [Oct. 5, w10-CN 10/1 peji 23]

Ana yakuyicisya ya ngondo yayisasile pa 1 Mbiri 5: 18-22 mpaka yitukamucisye catuli kuputa ngondo jetu jausimu mwakulimba mtima? [Oct. 12, w05-CN 10/1 peji 9 ndime 7]

Ana cici cacamkamucisye Daudi kupikanicisya songa ja m’lilamusi lya Yehofa lyakwamba miyasi, soni ana cisyasyo cakweci cikutujiganya cici? (1 Mbiri 11:17- 19) [Oct. 19, w12-CN 11/15 peji 6-7 ndime 12-14]

Ana Daudi ŵalepele kutenda cici paŵajigalaga libokosi lya cilangano kwawusya ku Yelusalemu, soni ana tukupata lijiganyo lyatuli lyekulungwa munganiji? (1 Mbiri 15:13) [Oct. 26, w03-CN 5/1 peji 10-11 ndime 11-13]