Ligongo Cici Tukusosekwa Kunyakuka Mwakwanguya?

Pamsongano wakosecela undumetume wa mumgunda, tukusaŵa yimpepe ni abale ŵetu mwati tukusaŵa ŵakusacilila kuti tukunguluceje. Nambo, patugambile kumalisya msongano wakosecela undumetume, tukusosekwa kunyakuka mwakwanguya kuja kwatukusosekwa kulalicila. Tukumbucileje kuti masengo getu gakulalicila gakusosekwa kutendekwa mwacitema. (2 Tim. 4:2) Naga tukunguluka kwandaŵi jelewu, nikuti tucikola ndaŵi jamnono jakulalicila. Patuli mu undumetume ni ŵakulalicila acimjetu tucipata ndaŵi jejinji jakutagulilana yindu yakulimbikasyana. Naga tukusanyakuka mwakwanguya patumalisisye kosecela, tukusalosya kuti tukusakamula masengo mwakulimbicila pakumtumicila Yehofa, soni Mwanagwe.​—Alo. 12:11.