Yamkatimu

Kwa ŵandu ŵa Yehofa, kwimba nyimbo kuŵele mbali jakusosekwa mnope pakulambila kwawo. Nambope ŵane yikusiyasawusya kwimba palikuga. Ana mpaka tumalane nawo camtuli woga wakamulicisya masengo maloŵe getu pakumlumba Yehofa? Ngani ajino cijitusalile magongo gambone gatukusosekwela kwimba mwakusangalala, nambosoni yampaka yitukamucisye kuti tujimbeje cenene.

Mpaka tulijiganye yindu yakamucisya kutyocela pa dongosolo jakola misinda jakutilila jajaliji ku Yisalayeli jwakala. Mu ngani jandanda alole matala gele mundu jwatesile cakulemwa mpaka akuye kuti atilile kwa Yehofa. Mungani jakuyicisya alole mwele cisyasyo ca Yehofa mpaka citukamucisye m’weji kwakululucila ŵane, kucimbicisya umi, nambosoni kutenda yindu mwacilungamo.

Ngani siŵilisi sikutagulila mnope ya camuko cele Paulo ŵapelece kwa Aklistu ŵa ku Kolose. Ngani jandanda jikusala yampaka tutende naga tupikene nganisyo sya cilambo syampaka siwonece mpela syambone kapena syakamucisya. Ngani jakuyicisya jikutukumbusya yampaka tutende kuti tuŵambale ndamo syampaka situlepelekasye kuja kupocela majali gatulagucisye Yehofa.