Ana Baibulo Jikusasala Yatuli?

Ana Ucimwene wa Mlungu uli cici?

ŴANDU ŴANE AKUSAKULUPILILA kuti gali macili ga Mlungu gagakusalamulila mumtima mwa mundu. Soni ŵane akusaganisya kuti uli mtendele soni mkamulano wa ŵandu wampaka uyice ni macili ga ŵanduwo. Ana wawojo akusakulupilila yatuli?

YAJIKUSASALA BAIBULO

“Mlungu jwakwinani tacitamilikasya ucimwene wele ngisiwujonasika. . . . Tiwucikasanya ni kugamasya maucimwene [ga ŵandu] gane gosopego.” (Danieli 2:44) Ucimwene wa Mlungu jili boma jisyesyene.

ANA CINE CAPI CAMPAKA TULIJIGANYE M’BAIBULO?

• Ucimwene wa Mlungu apano ukulamulila kwinani.—Matayo 10:7; Luka 10:9.

• Mlungu akukamulicisya masengo Ucimwenewu pakwanilisya yakusaka yakwe kwinani soni pacilambo capasi.—Matayo 6:10.

Ana Ucimwene wa Mlungu uciyika cakaci?

ANA MPAKA AJANJE WULI?

• Pangali jwakumanyilila

• Pacangakaŵapa

• Ngasiwuyika

YAJIKUSASALA BAIBULO

“Ngani syambonesi syakwamba ya Ucimwene wa Mlungu tisicilalicidwa pacilambo cosope capasi, kuti ŵandu ŵamitundu josope asipikane, kaneko mbesi ni tijiciyika.” (Matayo 24:14) Utenga wambone pawucikwanila kulalicidwa, Ucimwenewu uciyika kukumasya yakusakala yosope.

ANA CINE CAPI CAMPAKA TULIJIGANYE M’BAIBULO?

• Pangali mundu jwakumanyilila lisiku lisyesyene lyawuciyika Ucimwene wa Mlungu.—Matayo 24:36.

• Yajikusasala Baibulo yikusalosya kuti Ucimwene wa Mlungu ciwuyice pacangakaŵapa.—Matayo 24:3, 7, 12.