LIJIGANYO 7

Kwiganya Yisyesyene

Luka 1:3

YACITULIJGANYE: Akamulicisyeje masengo maumboni gasyesyene kuti ŵakamucisye ŵakupikanila ŵawo kumanyilila yisyesyene.

Apateje maumboni gasyesyene. Aŵeceteje yakutyocela m’Maloŵe ga Mlungu soni naga yakomboleka agambeje kuŵalanga mwagaŵelele kutyocela m’Baibulo. Naga akusala ngani syakwamba sayansi, nyusi, yakutendekwa yisyesyene kapena maumboni ganesoni, awungunyeje mkanipaŵe kuti amanyilile naga yili ciŵela yisyene.
Awungunyeje maumboni gakwe cenene. Yakuti pakulondesya ngopolelo ja malemba gane yikamulaneje ni ngani jawo, yikalekangana ni mwagakusaŵecetela malemba gane ga m’Baibulo pa ciwundoco soni mabuku ga ‘kapolo jwakulupicika ni jwalunda.’ (Mat. 24:45) Pakukamulicisya masengo maumboni ganganigatyocela m’Baibulo, ngakusosekwa kuŵeceta yakulekangana ni cakulinga ca mkulembajo.

Akatupiyaga kasale ka yindu. Asamaleje pakusala maloŵe gakuti, “ŵandu ŵane,” akajila “ŵandu ŵajinji,” kapena pakuti “ndaŵi sine,” akajila “ndaŵi syosope,” soni “nganiyitendekwa,” akajila “ngamkaniyitendekwa.”
Ŵakamucisyeje ŵandu kuganicisya ya umboni wakupeleka. Pamalisisye kuŵalanga lilemba kapena kusala maumboni, awusyeje yiwusyo mwaucimbicimbi kapena kusala umboni wakwakamucisya ŵakupikanila kupata kwanga kwakwe acimsyene.