Lijiganyo 8

Ana Ŵani Ŵali Acimmagongo ŵa Mlungu?

Mmagongo jwamkulungwa jwa Mlungu ni Satana Jwakulambusya. Jwalakwejo ali lilayika lilyamjimucile Yehova. Satana akupitilisyape kulimbana ni Mlungu, nipo akwalagasya ŵandu ni yakusawusya yejinji. Satana ali jwakusakala. Ali jwaunami, soni jwakuwulaga ŵandu.—Yohane 8:44.

Malayika gane gakamulene ni Satana pakumjimucila Mlungu. Baibulo jikugatenda kuti yiŵanda. Yiŵanda yilisoni acimmagongo ŵa ŵandu, cisawu mwaŵelele Satana. Kukusakwanonyela kwawulasya ŵandu. (Matayo 9:32, 33; 12:22) Yehova cacimjonanga Satana kwampakana kalakala, yimpepe ni yiŵanda yakweyo. Ndaŵi jawo jakwalyungasya ŵandu jisigele jamnono.—Cibvumbulutso 12:12.

Naga mkusaka kuti Mlungu aŵe mjenu, mkatendaga yakusaka Satana. Satana ni yiŵandayo akusaŵengana najo Yehova. Ali acimmagongo ŵa Mlungu, nipo akusaka kuti amtendekasye kuŵa mmagongo jwa Mlungu. Mkusosekwa kusagula jwamkusaka kumsangalasya—cinga Satana kapena Yehova. Naga mkusaka umi wangamala, mkuŵajilwa kusagula kutenda yakusaka Mlungu. Satana mwakalamuka akusakamulicisya masengo matala gakulekanganalekangana pakusaka kwalambusya ŵandu. Jwalakwejo akwatendekasya ujinga ŵandu ŵajinji.—Cibvumbulutso 12:9.