Ana Akulagasika Nganisyo?

Jwamkongwe jwine (Jill)a jwaŵechete kuti, “Jwalijose akusalagasika nganisyo, nambo uneji ngulagasika mnope. Ngaŵa kuti kulimbana ni chakusawusya chimope chekulungwa, nambo ngusimana ni yakusawusya muyakutendekwa yakulekanganalekangana. Yine mwa yakusawusyayi yili kwasamalila ŵamkwangu ŵakulwala ulwele wekulungwa wangawukupola.”

Barry ŵaŵechete kuti, “Ŵamkwangu ŵandesile ulombela, mwamti nalelaga jikape ŵanache ŵangu ŵaŵili. Yaliji yakusawusya kulela ŵanache jika. Kupwatika pelepa masengo gamalile mwamti yaliji yakusawusya kuti mbate mbiya syakulinganyichisya galimoto jangu. Nganimanyililaga yanasosekwaga kutenda. Kulagasika nganisyo kwangu kwakulilagape. Pasi pamtima namanyililaga kuti kuliwulaga kuli kulemwa, nambope namŵendile Mlungu kuti ngambe kuwa.”