მუჭო გიმიბრინუათ ჩიებაშ ნიმუშეფ

და დო ჯიმალეფ ბრელს ხანდენა, ნამდა მამზადან ჩიებაშ ნიმუშეფ დო ბრელ მაუწყებელ ორწყე, ნამდა მსახურებას თინეფიშ გიმორნაფას ჯგირ შედეგეფ მოუღ. მარა ადგილობრივ სიტუაციაშ გათვალისწინებათ, მაუწყებელეფს შეულებნა, მსახურებაშ დროს შხვანერო წიმიჭყან ჩიება დო მობინადრეწკუმა თი საკითხ გარჩუან, ნამუთ თი ტერიტორიას მახორუ ხალხის ოინტერეს. მარა მუშო ოკო რაგად, მუჟამსით საქმე ოხუ სპეციალურ კამპანიას, არძაქ ოკო მივაჸუნათ თექ მოჩამილ მითითებეფს. ჩქინ მიზან რე, შევასრულათ იესოშ დავალება, ნამდა იფქადაგათ სახიოლო ამბე სამეფოშ გურშენ (მათ. 24:14).

თი მაუწყებელქ, ნამუთ დავალებათ გიშურს, ოკო გარჩუას საკითხ ჩიებაშ ნიმუშშე, ნამუთ მოჩამილ რე „ჩქინ ქრისტიანულ ცხოვრება დო მსახურებას“. მარა შხვა მითითებეფ ვა რენ-და, მაუწყებელს შეულებ, მუშით გეგშაგორას პირველ ჩიებაშო დო კინ მეკითხირშო კითხვა, ბიბლიურ მუხლ ვარდა სიტუაცია, ნამუთ ეფექტურ იჸუაფ თი ტერიტორიაშო. თენა რე ახალ მეთოდ, ნამუთ დოთირანს 2020 წანაშ ივანობაშ „ჩქინ ქრისტიანულ ცხოვრება დო მსახურებაშ“ მა-8 გვერდის მოჩამილ მითითებეფს.