ქიცხოვრ ქრისტიანულ პრინციპეფით | დესახით მიზნეფ ახალ სამსახურებრივ წანაშო

გინილით თექ, სოდეთ მაქადაგებელეფიშ საჭიროება რე

რწმენა რე საჭირო, ნამდა მსახურებაშ გაფართოებელო ქიდიტუათ ჸუდე დო გეგნორთათ ახალ ტერიტორიაშა (ებრ. 11:8—10). მაქადაგებელეფიშ საჭიროება რენ თიცალ ტერიტორიაშა გინულას ქოფიქრენთ-და, ქუდურაგადეთ თქვან კრებაშ უხუცესეფს. მუ პრაქტიკულ საშვალებეფით შეილებნა გეგშაგორათ ტერიტორია დო ქოძირათ შეგალებენან დო ვარ თე მიზანიშ მენჭირნაფა? პუბლიკაციეფს წეკითხით თე საკითხწკუმა მოჩამილ სტატიეფ. თეს გეძინელ, ქუდურაგადეთ თი და დო ჯიმალეფს, მიდგაქ გინოდგეს თე ნაბიჯ დო მსახურენა შხვა ტერიტორიას (იგავ. 15:22). ლოცვას ხემძღვანელობა ქოთხით იეჰოვას (იაკ. 1:5). გეგმირკვით ინფორმაცია თი ტერიტორიაშ გურშენ, სოდეთ ფიქრენთ გინულას დო შეიოლებერ ქორენ-და, გინულაშახ მუსხირენ დღათ გაჩენდით თექ.

ქუჯინ ვიდეოს „რწმენათ განჯით მსახურებაშ ფართო კარ — გინილით თექ, სოდეთ მაქადაგებელეფიშ საჭიროება რე“. უკულ ქუპასუხ თუდო მოჩამილ კითხვას:

მუს ოკო გიორჯგინკო გაბრიელქ დო მუქ მეხვარ თეშ კეთებას?

თქვან ხოლოს რენ თი კრებაშა გინულას ქოფიქრენთ-და, სოდეთ მაქადაგებელეფიშ საჭიროება რე, ქუდურაგადეთ რაიონულ ზედამხედველს. თქვან ტერიტორიაშე შორს რენ თი კრებეფიშ გურშენ უმოსიშ გაგება ქუგოკონან-და, თქვან კრებაშ სამსახურებრივ კომიტეტიშ მოხვარათ ქიმეჭარით წერილ ფილიალს. გინულა გილამნან თი კრება თქვან ქიანაშ ფილიალს ვაკუთვნუნ-და, ქიმეჭარით წერილ თი ტერიტორიაშე პასუხიშმგებელ ფილიალს. თი ქიანაშ კონკრეტულ ტერიტორიას მსახურება ქუგოკონან-და, ჯგირ იჸუაფ, თენა წერილს ქიმიშინუათ.