მუჭო გიმიბრინუათ ჩიებაშ ნიმუშეფ

2018 წანაშ იანარშე დითირ „ცხოვრება დო მსახურებაშ“ პირველ გვერდის მოჩამილ ჩიებაშ ნიმუშეფიშ ფორმატიქ. მუჭო შილებე თინეფიშ გიმორნაფა?

კრებას: ოკო გეგმირინუათ ჩიებაშ ნიმუშეფს მოჩამილ პირველ კითხვა, ბიბლიურ მუხლ დო მაჟია კითხვა კინ მიოულარო. მარა თენა თის ვა ნიშნენს, კილ-კილშა გემეორათ ჩიებაშ ნიმუშეფიშ ვიდეოეფს მოჩამილ სიტყვეფ. თქვა შეილებნა გეგმირინუათ შხვა სიტუაცია, შესავალ ვარდა შხვანერო გავითარათ ჩიება. თეწკუმა ართო, შეილებნა ქიმიარზუათ ართ-ართ პუბლიკაცია ოგურაფალ საშვალებეფშე, თიმწკუმა ხოლო, მუჟამსით დავალებას თეცალ მითითება ვა რე მოჩამილ.

მსახურებას: ჩიებაშ ნიმუშეფშე იძირე, მუ თემაშე ოკო იფჩუათ. მუჟამსით პიროვნება ნამდვილ ინტერესის გიმირჩქინანს დო მეტიშ გაგება ოკო, შეილებნა გაგრძელათ ჩიება კინ მეკითხირიშ ნიმუშით. თეს გეძინელ, შეილებნა მუდგარენ დოთირუათ ჩიებაშ ნიმუშის ვარდა გვალო ახალ ქიმიფიქრათ. ულირ თუთაშ ჩიებაშ ნიმუშ ვარდა შხვა ბიბლიურ მუხლ ხომ ვეჸუაფ უმოს მოხუჯურ თქვან ტერიტორიას? მუთუნ ახალ ამბე ხომ ვა მოხვალამე თქვან გოხოლუას, ნამდგაშე ჩიება უმოსო დაინტერესენს ხალხის? ჩიებაშ ნიმუშ მუდგანერო ვა თირუენ, სქან მიზან ოკო რდას, ირფელ გაკეთე, ნამდა სახიოლო ამბე არძანერ ხალხის გეგნოჩე (1კრ. 9:22, 23).