მი რე ღორონთ?

ადამიანეფ მუნეფიშ გოჭყაფაშ დღაშე ირიათო ომსახურდეს შხვადოშხვა ღორონთეფს. მარა ბიბლია მიშინუანს ართ ღორონთის, ნამუთ „არძა შხვა ღორონთშე უმოს დიდებულ რე“ (2 მატიანე 2:5). მი რე თე ღორონთ? მუშენ რე თინა არძა შხვა ღორონთშე დიდებულ, ნამდგას ხალხ ომსახურ? თე დუდშე ქიგეგენთ, მუჭო გოჩინებაფუანა ღორონთ მუშ დუდის.

1. მუ ჯოხო ღორონთის დო მუშენ შემლებნა ვორდათ დარწმუნებულ, ნამდა თის ოკო, მიჩქუდან თე სახელ?

ღორონთ მუშ დუდის ბიბლიაშ საშვალებათ მოჩინებაფუანა. თინა იჩიებ: „მა ვორექ იეჰოვა. თენა რე ჩქიმ სახელ“ (წეკითხით ესაიაშ 42:5, 8). სახელ „იეჰოვა“ ებრაულ ნინაშე რე ნათარგმნა დო ნიშნენს „გინართინაფუანს“. იეჰოვას ოკო, მიჩქუდან თიშ სახელ (გამოსვლა 3:15). მუშენ შემლებნა თეშ ბჯერდან? ბიბლიას თიქ მუშ სახელ 7 000-შე მეტშა ინაჭარაფუ.a სახელ იეჰოვა ოკუთვნ ხვალე ართ „ჭეშმარიტ ღორონთის ჟი ცას დო თუდო დიხას“ (კანონი 4:39).

2. მუს მოგებაფუანა ბიბლია იეჰოვაშ გურშენ?

ბიბლია იჩიებ, ნამდა თი ღორონთეფ შქას, მიდგას ხალხ თაყვანს ცენს, ხვალე იეჰოვა რე ჭეშმარიტ ღორონთ. მუშენ შემლებნა თეშ რაგად? თეშ მუსხირენ მიზეზ არსებენს. იეჰოვას უღჷ უზენაეს ძალაუფლება დო ხვალე თინა რე „უზენაეს მთელ ქიანას!“ (წეკითხით ფსალმუნიშ 83:18). თინა რე „ირფელიშშემალებე“, მუთ ნიშნენს, ნამდა შეულებ აკეთას ირფელ, მუდგაშ სურვილ უღჷ. თიქ „გაჭყჷ ირფელ“ — სამყარო დო სიცოცხლეშ არძანერ ფორმა დედამიწას (გამოცხადება 4:8, 11). შხვეფიშ გინაწონს, ხვალე იეჰოვა არსებენდჷ ირიათო დო იარსებენს მარადიულო (ფსალმუნი 90:2).

3. ღორონთის უღჷ ბრელ წოდება, მარა ართ სახელ

ქოძირით, მუ განსხვავება რე პიროვნებაშ წოდება დო თიშ სახელ შქას. ქოძირით ვიდეო დო უკულ გარჩით თუდო მოჩამილ კითხვა.

ვიდეო: „ბრელ წოდება, მარა ართ სახელ“ (0:41)

• მუ განსხვავება რე წოდებაშ, მუნერით რე „უფალ“ დო პირად სახელ შქას?

ბიბლიაშე ბგებულენთ, ნამდა ხალხ თაყვანს ცენს ბრელ ღორონთის დო უფალს. წეკითხით კანონიშ 10:17 დო გარჩით თუდო მოჩამილ კითხვა:

• მი რე „უზენაეს ღორონთ“ დო „უზენაეს უფალ“?

4. იეჰოვას ოკო, გიჩქუდან დო გიმირინუანდათ თიშ სახელს

ვიდეო: „ქოუღუნო ღორონთის სახელ?“ — ნაწყვეტ (3:11)

• ქაკონო იეჰოვას, ნამდა ხალხის უჩქუდას თიშ სახელ დო მუშენ ფიქრენთ თაშ?

იეჰოვას ოკო, ხალხიქ გიმირინუას თიშ სახელ. წეკითხით რომაელეფიშ 10:13 დო უკულ გარჩით თუდო მოჩამილ კითხვეფ:

• მუშენ რე მნიშვნელოვან, იბრინუანდათ ღორონთიშ სახელს, იეჰოვას?

• მუს გინაფლენთ, მუჟამსით მიდგარენს ვა გოჭყოლად მუ რჯოხონა დო სახელით გიძახნა?

• მუჭო ფიქრენთ, მუს გინაფლენს იეჰოვა, მუჟამსით თიშ სახელს გიმირინუანთ?

5. იეჰოვას ოკო, ნამდა დეახლოვათ თის

ვიდეო: „ჭეშმარიტ ღორონთის ბგორუნდჷ“ (8:18)

• მუჭოთ თე ვიდეოშე იძირე, მუჭო იმოქმედ სოტენშა ღორონთიშ სახელიშ გაგებაქ?

სოიშახ მიდგაინს დემეგობრებუქ, პირველ რიგის თიშ სახელს გებულენქ. წეკითხით იაკობიშ 4:8ა დო უკულ გარჩით თუდო მოჩამილ კითხვეფ:

• მუშ კეთებაშა მოიწოდენა იეჰოვა?

• მუჭო შილებე ღორონთიშ სახელიშ გაგებაქ დო თიშ გიმორნაფაქ მიგეხვარან, უმოსო დეახლოვათ თის?

დასკვნა

ჭეშმარიტ ღორონთიშ სახელ რე იეჰოვა. თის ოკო, მიჩქუდან დო გიმიბრინუათ მუშ სახელ, ნამდა შემლებდან დევეახლოვათ თის.

გამეორებელ კითხვეფ

• მუჭო გენესხვავებ იეჰოვა არძა თი ღორონთშე, ნამდგას ხალხ თაყვანს ცენს?

• მუშენ ოკო გიმიბრინუათ ღორონთიშ სახელ?

• სოვრეშე იძირე, ნამდა იეჰოვას ოკო, დეახლოვათ თის?

დამატებით მასალა

ქიგეგ ხუთ მიზეზ, მუშენ შემლებნა ბჯერდან ღორონთიშ არსებობაშ.

„არსებენსო ღორონთ?“ (ვებ სტატია)

ქობძირათ, მუშენ რე ლოგიკურ, ბჯერდან, ნამდა ღორონთ ირიათო არსებენდჷ?

„მიქ გაჭყჷ ღორონთ?“(„გინაჯინალ კოშკი“ 1 არგუსო, 2014 წ.)

ქიგეგით, მუშენ ოკო გიმიბრინუათ ღორონთიშ სახელ, თიშ უმკუჯინუო, ნამდა ვა მიჩქნა, მუჭო ირაგადუაფუდ თინა ჯვეშ დროს.

„მი რე იეჰოვა?“ (ვებ სტატია)

ქუღუნო მნიშვნელობა, მუჭო მიმაფრთენთ ღორონთის? ქოძირით, მუშენ შემლებნა ფთქუათ, ნამდა თის მუშ პირად სახელ უღჷ.

„მუსხი სახელ უღჷ ღორონთის?“ (ვებ სტატია)