ბიბლია — ცნობა ღორონთშე

იეჰოვაქ მუჩეს შესანიშნავ ძღვინ — ბიბლია, ნამუთ 66 ჭიჭე წიგნშე შითმოდირთუ. მარა შილებე ფიქრენდათ: სოვრეშე მორთჷ ბიბლიაქ? მი რე თიშ ავტორ? თე კითხვეფშე პასუხიშ მიოღებელო გუვარჩუათ, მუჭო მაჭირინუ ღორონთიშ ცნობაქ ჩქინ დროშახ.

1. ბიბლია ადამიანეფიშ ნაჭარა ქორენ-და, თიშ ავტორ ღორონთ მუჭო გიშურს?

ბიბლიას სოდგარენ 1 600 წანაშ დინახალე, დაახლოებით 40 კოჩ ჭარუნდჷ. თიშ ჭარუაქ დიჭყჷ ᲯᲕ. Წ. 1513 წანას დო ითუ სოდგარენ ᲐᲮ. Წ. 98 წანას. ბიბლიაშ მაჭარალეფ ართიანშე განსხვავებულეფ რდეს, მარა თეშ უმკუჯინუო, მთლიან ბიბლია ართიანწკუმა შეთანხმებულ რე. თექ შეიოლებერქ იჸუ, მუშენდა ბიბლიაშ ავტორ ღორონთ რე (წეკითხით 1 თესალონიკელეფიშ 2:13). მაჭარალეფ მუნეფიშ აზრეფს ვა ჭარუნდეს, თეშ გინაწონს „წმინდა შურითa აღძრულეფს, ღორონთ ორაგადაფუანდჷ“ (2 პეტრე 1:21). ღორონთიქ მუშ წმინდა შურ გიმირინუ, ნამდა გონებაშა ქინუდვკო ვარდა აღძრუკო ბიბლიაშ მაჭარალეფ, დოჭარესკო თიშ აზრეფ (2 ტიმოთე 3:16).

2. მიშო რე ამდღა ბიბლია ხეშამალაფარ?

„არძა ერს, ტომს, ნინას დო ხალხის“ შეულებ მიღას ჯგირობუა ბიბლიას ინოჭარილ სახიოლო ამბეშე (წეკითხით გამოცხადებაშ 14:6). ღორონთიქ თქუ, ნამდა არძა ტომ, ნინა დო ხალხ მიღენდჷ ჯგირობუას ბიბლიურ ცნობაშე. ამდღა ბიბლია გინოთარგმნილ რე არძაშე უმოს მეტ ნინაშა, ვინემ შხვა ნებისმიერ წიგნ. მნიშვნელობა ვა უღჷ, მი სო ცხოვრენს ვარდა მუ ნინაშა იჩიებ, ამდღა ბიბლია არძაშო ხეშამალაფარ რე.

3. მუ წინააღმდეგობეფ უღუდ ბიბლიას დო მუჭო დეცვჷ იეჰოვაქ თინა?

ბიბლიაშ ოჭარალო თიცალ მასალა გიმირინუეს, ნამუთ ბრელ ხანს ვა გარზუდ, მაგალთო, მუნერით რე, ცხოველიშ ტყებ ვარდა მცენარეშ ღერო, ნამდგას პაპირუსის უძახნა. ათეშენ თინეფ, მიდგას უჸორდჷ ბიბლია, ფრთხილაშო გინმოჭარუნდეს თის ხეთ. თიშ უმკუჯინუო, ნამდა ძალაუფლება უღუდუნ ფერ კათა ოცადუდ, განადგურკო ბიბლია, შხვეფ მუშ სიცოცხლეს საფრთხეშ თუდო გიორინუანდეს, ნამდა დეცვესკო თინა. იეჰოვაქ მითინს დო მუთუნს ვემეჩ თიშ უფლება, ეცილკო ჩქინწკუმა ურთიერთობას. ბიბლია იჩიებ: „ღორონთიშ სიტყვა მარადიულო სქიდუ“ (ესაია 40:8).

ქიგეგით უმოს

4. ბიბლია აცხადენს, მი რე თიშ ავტორ

ქოძირით ვიდეო. უკულ წეკითხით 2 ტიმოთეშ 3:16 დო გარჩით თუდო მოჩამილ კითხვეფ:

ვიდეო: „მი რე ბიბლიაშ ავტორი?“ — ნაწყვეტ (2:48)

• ბიბლია ადამიანეფიშ ნაჭარა ქორენ-და, მუშენ ჯოხო თის ღორონთიშ სიტყვა?

• მუჭო ფიქრენთ, ქორენო ლოგიკურ, რჯერდან, ნამდა ღორონთიქ ადამიანეფს გონებაშა ინუდვჷ მუშ აზრეფ?

5. ბიბლიაქ ბრელ წინააღმდეგობას გურზჷ

ვიდეო: „თინეფ აფასენდეს ბიბლიას“ — ნაწყვეტ (უილიამ ტინდალი) (6:17)

• მუჟამსით გებულენთ, მუჭო ინიჸოთანდჷ ხალხ დუდის საფრთხეშა ბიბლიაშ დაცვებელო, გირჩქინდუნანო ბიბლიაშ კითხირიშ სურვილ დო მუშენ?

წეკითხით ფსალმუნიშ 119:97 დო გარჩით თუდო მოჩამილ კითხვა:

• მუქ აღძრჷ ადამიანეფ, სიცოცხლე საფრთხეშა ქინიჸოთესკო ბიბლიაშ თარგმნუაშ დო გავრცელებაშ გურშენ?

6. წიგნ არძა ხალხშო

ბიბლია რე ისტორიაშ განმავლობას არძაშ უმოს ბრელ ნინაშა ნათარგმნა დო გავრცელებურ წიგნ. წეკითხით საქმეეფიშ 10:34, 35 დო უკულ გარჩით თუდო მოჩამილ კითხვეფ:

• მუშენ ოკო ღორონთის მუშ სიტყვა რდას ბრელ ნინაშა ნათარგმნა დო გავრცელებურ?

• მუ მორწონა ბიბლიას?

დასკვნა

ბიბლია ღორონთიშ სიტყვა რე დო ღორონთიქ თინა მთელ კაცობრიობაშო ხეშამალაფარო გინაშქვჷ.

გამეორებელ კითხვეფ

• მუს ნიშნენს, მუჟამსით იფჩიებუთ, ნამდა ღორონთიქ ბიბლიაშ ჭარუაშ დროს მუშ აზრეფ ინუდვჷ ადამიანეფს გონებაშა?

• ბიბლიაშ გურშენ თე დუდის გარჩიებულ ინფორმაციაშე, განსაკუთრებულო ნამუს აღნიშნენდით?

• მუჭო მოქმედენს თქვანწკუმა თიშ რჩქინა, ნამდა ღორონთიქ ირფელ გაკეთ თიშო, ქომღუდესკო თიწკუმა ურთიერთობაშ საშვალება?

დამატებით მასალა

წეკითხით ბიბლიაშ ისტორია, მუჭო მაჭირინუ თიქ ჯვეშ ორიგინალ ხეშნაჭარეფშე ამდღარ თანამედროვე თარგმანშა.

„მუჭო მაჭირინუ ბიბლიაქ ჩქინ დროშახ“ („გეგშაკურცხით!“ ნოემბერი, 2007 წ.)

ქიგეგით თი სუმ მთავარ წინააღმდეგობაშ გურშენ, მუდგას ბიბლიაქ გურზჷ.

„ბიბლია — სასწაულებრივო გინოსქილადირ წიგნ“ („გინაჯინალ კოშკი“ №4, 2016 წ.)

ქოძირით, მუ საფრთხეშ თუდო ინიჸოთ ხალხიქ სიცოცხლე, ნამდა თარგმნესკო ბიბლია.

თინეფ აფასენდეს ბიბლიას (14:26)

ბიბლია ბრელშა გინოჭარეს დო თარგმნეს. მუჭო შეილებ დერწმუნე, ნამდა ღორონთშე ცნობაქ ჩქინშახ ვა თირენ თეშ ქუმაჭირინუ?

„თირელო მორთუო ჩქინშახ ბიბლიაქ?“ (ვებ სტატია)