დუდ 03

შეილებნო ენდე ბიბლიას?

ბეშტელ გიშაშქუმალა

ბიბლია მარზენა ბრელ დუნაპირებუს დო ბრელ რჩევას ხოლო. შილებე გოინტერესდან, მუს ოგურუანს ბიბლია, მარა თეწკუმა ართო თეცალ კითხვეფ გირჩქინდუდან: შეილებნანო, ენდათ თი დუნაპირებუეფს დო რჩევეფს, ნამუთ თე ჯვეშ წიგნის რე მოჩამილ? შეილებნანო მართალო რჯერდან, ბიბლიაშ დუნაპირებუშ, ნამუთ ოხუ ბედნერობათ დო კმაყოფილებათ ეფშა ცხოვრებას, მუჭოთ ამდღა, თეშ მომავალს? მილიონობით კათას ჯერს თეშ. მორთ ქობძირათ, პირადო თქვა მუჭო შეილებნა თეშე დერწმუნათ.

1. ქორენო ბიბლიას მოჩამილ ინფორმაცია ზუსტ?

ბიბლია იჩიებ, ნამდა თექ მოჩამილ ინფორმაცია „ზუსტას რე გინოჩამილ“ (ეკლესიასტე 12:10). თექ მოშინაფილ რე ნამდვილ კათაშ ნამდვილ ისტორიეფ (წეკითხით ლუკაშ 1:3; 3:1, 2). ბრელ ისტორიკოსიქ დო არქეოლოგიქ დამტკიც, ნამდა მნიშვნელოვან თარიღეფ, ადგილეფ დო მოვლენეფ, ნამუთ ბიბლიას რე მოჩამილ ზუსტ რე დო თექ მოშინაფილ ხალხ მართალო არსებენდჷ.

2. მუშენ შემლებნა ფთქუათ, ნამდა ბიბლია მოჯვეშებულ წიგნ ვა რე?

ბიბლია ხშირას მიშინუანს თიცალ მუდგარენეფს, ნამდგაქ საუკუნეეფიშ უკულ გეგმიარგამ. მაგალთო თექ მოჩამილ რე მეცნიერულ საკითხეფ. ბრელ საკითხ, ნამდგაქ თი დროს იჭარ ხალხიშ უმენტაშის გვალო შხვანერო ჯერდჷ. მარა თანამედროვე მეცნიერება ამტკიცენს, ნამდა მუთ ბიბლიას რე ინოჭარილ ზუსტ რე. „სანდო რე თინეფ, მუჭოთ ასე თეშ მარადიულო ხოლო“ (ფსალმუნი 111:8).

3. მუშენ შემლებნა ვენდათ თის, მუდგას ბიბლია მომავალწკუმა დაკავშირებით იჩიებ?

ბიბლიას მოჩამილ რე წინასწარმეტყველებეფ, ნამუთ აცხადენს „მუთ დიო ვა მოხვალამე“ (ესაია 46:10). თიქ ზუსტას იწინასწარმეტყველ თი მუსხირენ ისტორიულ მოვლენა, ნამდგაქ ბრელ ხანიშ უკულ მოხვად. თეს გეძინელ, ბიბლია დეტალურო ეჭარუნს ამდღარ მსოფლიო მოვლენეფს. თე დუდის გუვარჩიენთ მუსხირენ ბიბლიურ წინასწარმეტყველებას. თინეფიშ სიზუსტე გუგაკვირენა.

ქიგეგით უმოს

ქიგეგით, მუჭო უკინენს ხუჯის თანამედროვე მეცნიერება ბიბლიას დო გეგმირკვით მუსხირენ ბიბლიურ წინასწარმეტყველება.

4. მეცნიერება ხუჯის უკინენს ბიბლიას

ჯვეშ დროს ხალხიშ უმენტაშის ჯერდჷ, ნამდა დედამიწა მუდგარენს უმარგუდ. ქოძირით ვიდეო.

ვიდეო: „დედამიწა მუთუნს ვემკობ“ (1:13)

ყურადღება ქიმიაქცით, მუქ ინიჭარ იობიშ წიგნის სოდგარენ 3 500 წანაშ წოხოლე. წეკითხით იობიშ 26:7 დო უკულ გარჩით თუდო მოჩამილ კითხვა:

მუშენ რე გასაკვირ ბიბლიას ინოჭარილ სიტყვეფ, ნამდა „დედამიწა მუთუნს ვემკობ“?

მა-19 საუკუნეშახ ხალხის მუთუნ ვაფუდ გაგებულ წყარიშ წრებრუნვაშ გურშენ. ყურადღება ქიმიაქცით, მუქ ინიჭარ ბიბლიას ანთასობით წანაშ წოხოლე. წეკითხით იობიშ 36:27, 28 დო უკულ გარჩით თუდო მოჩამილ კითხვეფ:

მუშენ რე გასაოცარ წყარიშ წრებრუნვაშ შთამბეჭდავ პროცეს, ნამუთ ბიბლიას მარტივო რე ეჭარილ?
გაიმანგარუო ბიბლიაშ ნდობა თე კითხირებულ მუხლეფქ?

ბიბლია ეჭარუნს წყარიშ წრებრუნვაშ პროცესის. ისარიშ მიმართულება ოძირანს, მუჭო მოძრავენს წყარ დედამიწა დო ატმოსფერო შქას.

5. ბიბლიაქ მნიშვნელოვან მოვლენეფ იწინასწარმეტყველ

წეკითხით ესაიაშ 44:27—45:2 დო უკულ გარჩით თუდო მოჩამილ კითხვა:

მუ დეტალეფ რდუ ნაწინასწარმეტყველეფ ბიბლიას ქალაქ ბაბილონიშ გურშენ თიშ განადგურებაშახ 200 წანათ ადრე?

ქოძირით ვიდეო.

ვიდეო: „ბიბლიაქ იწინასწარმეტყველ ბაბილონიშ განადგურებაშ გურშენ“ (0:58)

ისტორია ოძირანს, ნამდა სპარსეთიშ მეფე კიროსიქ მუშ ჯარწკუმა ართო ჯვ. წ. 539a წანას გეჭოფ ქალაქ ბაბილონ. თიქ მიმართულება დუთირუ მალწყარს, ნამუთ იცვენდჷ ქალაქის. თიშ უკულ, თინეფქ ქალაქშა გონჯამილო დოტებულ კარმინოლშე გემნორთეს დო ჩხუპიქ ვედესაჭირესინ თეშ გეჭოფეს ქალაქ. ამდღა, თე ამბეშე 2 500 წანაშე უმოს ხან რე მიკულირ დო ქალაქ ბაბილონს ქუალეფიშ მეტ მუთუნ ვა რე დოსქილადირ. ქიდეკვირით, მუ იწინასწარმეტყველ ბიბლიაქ.

წეკითხით ესაიაშ 13:19, 20 დო უკულ გარჩით თუდო მოჩამილ კითხვა:

მუჭო ადასტურენს ბიბლიურ წინასწარმეტყველებაშ შესრულებას თინა, მუდგაქ ქალაქ ბაბილონს მოხვად?

ბაბილონიშ ნანგრევეფ (ამდღანერ ერაყიშ ტერიტორია)

სურათეფიშ კოლაჟ: მოვლენეფ, მუთ ამდღა ხვადუ, ბიბლია „ბოლო დღალეფს“ უძახ. 1. შენობეფს დაჩხერ ონტუ. 2. ჯარიშკოჩ მანქანას ოჸოთას იარაღის. 3. ართ კოჩ ოჩხუპ პოლიციელს, ნამუთ შეიარაღებულ რე. 4. ჟირ კოჩ გიორინუანს მაღაზიაშ კონსულტანტის. 5. სამხედრო ტანკ მიშურს ქალაქშა. 6. შქირენულ ხალხის ნიღაბეფ ეუძნა დო ოჭკუმალიშ რიგის გერენა. 7. გიშახიხინაფილ დიხა გუთმოხორცხუ. 8. მიწისძვრაშ უკულ აკოცუმილ ჸუდე.

6. ბიბლიაქ იწინასწარმეტყველ თი მოვლენეფ, მუდგას ამდღა ვორწყეთ

ბიბლია ამდღარ დროს მიშინუანს, მუჭოთ „ბოლო დღალეფს“ (2 ტიმოთე 3:1). ყურადღება ქიმიაქცით, მუ იწინასწარმეტყველ ბიბლიაქ ბოლო დღალეფწკუმა დაკავშირებით:

წეკითხით მათეშ 24:6, 7 დო უკულ გარჩით თუდო მოჩამილ კითხვა:

მუჭო ეჭარუნს ბიბლია თის, მუთ ბოლო დღალეფიშ განმავლობას მოხვადუდ?

წეკითხით ტიმოთეშ 3:1—5 დო უკულ გარჩით თუდო მოჩამილ კითხვეფ:

მუჭო ეჭარუნს ბიბლია ბოლო დღალეფს მახორუ ხალხის?
თე მუხლეფს გიმოკოროცხილ თვისებეფშე, ნამუს ატყუაფუთ ამდღა ხალხის?

ნამთინექ შილებე თქუას: „ბიბლია მითეფიშ დო ლეგენდეფიშ წიგნ რე“.

თქვან აზრით, არძაშ უმოსო მუ ამტკიცენს, ნამდა ბიბლია სანდო წიგნ რე?

დასკვნა

ისტორია, მეცნიერება დო წინასწარმეტყველებეფ ამტკიცენს, ნამდა შეილებ ენდე ბიბლიას.

გამეორებელ კითხვეფ

ბიბლიას მართალ ფაქტეფ ინოჭარნო დოვარ ტყურა?
ნამ მეცნიერულ საკითხეფს უკინენს ხუჯის ბიბლია დო მეცნიერება ართიანს?
მუჭო ფიქრენთ, შეულებნო ბიბლიას იწინასწარმეტყველას მომავალიშ გურშენ დო მუშენ ფიქრენთ თაშ?

თე დუდიშ თებაშ თარიღ

მიზან

ბიბლიაშ ნდობა გემანგარენ, წეკითხ ვარდა ქუჯინ ართ-ართ მასალას განყოფილებაშე „დამატებით მასალა“.

შხვა მიზან:

დამატებით მასალა

ოწინააღმდეგუნო მეცნიერება ბიბლიას?

„ქათანხმუნო ბიბლია მეცნიერებას?“ (ვებ სტატია)

მუ ფაქტეფ ამტკიცენს, ნამდა „ბოლო დღალეფს“ ფცხოვრენთ?

„6 ბიბლიურ წინასწარმეტყველება, ნამუთ ჩქინ თოლიშ წოხოლე ისრულებ“ („გინაჯინალ კოშკი“ 1 მესი, 2011 წ.)

ქიგეგით, მუჭო შისრულ საბერძნეთიშ იმპერიაწკუმა დაკავშირებულ ბიბლიურ წინასწარმეტყველებაქ.

„დარწმუნებულ ვორეთ წინასწარმეტყველურ სიტყვაშა“ (5:22)

ქოძირით, მუჭო დოთირუ ბიბლიურ წინასწარმეტყველებაქ ართ კოჩიშ შეხედულება ბიბლიაშენ.

„ჩქიმო ვა არსებენდჷ ღორონთ“ („გინაჯინალ კოშკი“ №5, 2017 წ.)

a ჯვ. წ. ნიშნენს „ჯვეშ წანა კოროცხუათ“, შხვა სიტყვეფით ქოფთქუათინ პერიოდის ქრისტეშ დაბადებაშახ. ახ. წ. ნიშნენს „ახალ წანა კოროცხუათ“, შხვა სიტყვეფით ქოფთქუათინ პერიოდის ქრისტეშ დაბადებაშ უკულ.