ᲒᲐᲙᲕᲔᲗᲘᲚ 8
აბრაამქ დო სარაქ დემორჩილეს ღორონთის
ბაბილონშე ვართ ფერ შორს რდჷ ქალაქ, ნამდგას ურ ჯოხოდ. თექ მახორუეფ იეჰოვაშ მანგიორო, ბრელ შხვადოშხვა ღორონთის ცენდეს თაყვანს. მარა ურს ცხოვრენდჷ ართ კოჩ, მით ხვალე იეჰოვას ცენდჷ თაყვანს. თის აბრაამ ჯოხოდ.
იეჰოვაქ აბრაამს უწუ, ნამდა ქიდიტუკო მუშ ჸუდე დო ნათესეეფ დო მიდართუკო თი ადგილშა, ნამდგას მუ ოძირანდ. უკულ ღორონთიქ დეპირ: სქანდე ქიანაშმადიდა ერ გეგშურს დო სქანიშ გურშენ ბრელ ჯგირობუას გუკეთენქ დედამიწას მახორუ არძა ერიშ ხალხის.
აბრაამს ვა უჩქუდ სო უტენდჷ იეჰოვა, მარა ონდუდ თის. თაშ ნამდა, აბრაამქ, თიშ ოსურ სარაქ, მუამუშ თერახიქ დო ჯიმასქუა ლოტიქ ბარგ ქენანწყუეს დო შორ შარას ქიგიოდირთეს.
აბრაამ 75 წანერ რდჷ, მუჟამსით მუშ ოჯახწკუმა ართო თი ქიანაშა იდჷ, ნამუთ იეჰოვას აფუდ გიშაგორილ თინეფშო. თე ქიანას ქანაან ჯოხოდ. თექ დურაგადუ ღორონთიქ აბრაამს დო დეპირ, მთელ თე დიხას, სქან სქუალეფს ქიმეფჩანქია. ვარინ თე დროს, აბრაამ დო სარა უკვე ხანშამიშულირეფ რდესჷ დო ვართ სქუალეფ ჸუნდეს. აბა, მუჭო შეასრულენდჷ იეჰოვა მუშ პირობას?
„რწმენათ აბრაამქ დემორჩილ ღორონთიშ ნარაგადის, მიდურთუმუდუკო თი ადგილშა, ნამდგაქ მემკვიდრეობათ ოკო მიაჩუკო. თიქ მიდართჷ, მარა ვა უჩქუდ, სო მიშჷ“ (ებრაელეფ 11:8).