ბაბილონიშ კოშკ

წარღვნაშ უკულ, ნოეშ ქომოლსქუალეფს დო თიშ ნოსალეფს ბრელ სქუაქ ქაშუეს. თინეფიშ გამნარყიქ გემრავლჷ დო დედამიწაშ შხვადოშხვა კუნთხუს ეკიფაჩეს, მუჭოთ იეჰოვას აფუდ რაგადებულ.

მარა თე გამნარყშე ნამთინე ვამორჩილუდ იეჰოვას. თინეფქ ართიანს უწუეს: მორთ თაქ ქუდოფსქიდათ დო ქალაქ გევაშენათ. თიშმადიდა კოშკ ევაშენათ, ნამდა თიშ წვანდ ცას ონჭუდას. თეშნერო სახელ გომიოლუნა.

იეჰოვას ვემეწონ თე ხალხიშ საქციელქ დო გინოჭყვიდ, გაჩერუკო თინეფ. ქოიჩქუნო მუ აკეთ თეშო? უცფას ღორონთიქ თინეფს შხვადოშხვა ნინეფშა ქუდაჭყაფუ რაგად. რახანს უკვე ვარჩქილედეს ართიანიშ ნარაგად, მშენებლობაქ მიოტებელქ აჸუეს. ქალაქის, ნამდგას აშენენდეს, ბაბელქ ქიგიადვჷ, მუთ „ერია-მორიას“ ნიშნენს. უკულ ხალხიქ გაკიფაჩ დო დედამიწაშ შხვადოშხვა კუნთხუშა მიდართჷ ოცხოვრებშა. მარა თინეფქ გლახაშ კეთება თექ ხოლო გაგრძელეს. ქორდუო მითინ დოსქილადირ, მიდგას უჸორდჷ იეჰოვა? თეს უკულიან დუდშე ქიგებგენთ.