ახალგაზრდეფიშ შეკითხვეფ
მუნერ რე ჩქიმ გარეგნობა?
მუშენ რე მნიშნელოვან, ქიფიქრე, მუს მიკიქუნანქ? მიკაქუნალ ბრელ მუთუნს იჩიებ ჩქინ გურშენ. მუ იძირე სქან მიკოქუნაშ სტილშე?
მუ სუმ არასწორ გადაწყვეტილებას ღებულენა მიკაქუნალიშ გიშაგორუაშ დროს დო მუჭო ეუჩილითუათ თეს დუდ
არასწორ გადაწყვეტილება 1: მედია საშვალებეფიშ ეჸუნა.
„მინშა მოდას თიშენ ეპჸუნქ, ნამდა ბრელ რეკლამას უჯინექ. მუჟამსით ირიათო თოლშა აწოირე მოდურო მიკოქუნელ ადამიანეფიშ სურათეფ, ძნელ რე, ვეიაჸუნე“, — იჩიებ ახალგაზრდა, სახელო ტერეზა.
რეკლამას ხვალე ძღაბეფ ვეჸუნა. ართ წიგნის ჭარჷ: „ბოშეფს ძღაბეფიშ ნაკლებო ვაინტერესნა მოდურო მიკოქუნა. თინეფ დიო ხოლო ბაღანობაშე გინმირთუნა მარკეტოლოგეფიშ სამიზნეეფ“ (The Everything Guide to Raising Adolescent Boys).
სწორ გადაწყვეტილება: ბიბლია იჩიებ: „გამოუცდელს არძა სიტყვაშ ჯერს, მარა გურგოჩამილ ოკვირ მუშ ნაბიჯეფს“ (იგავები 14:15). თე პრინციპშე იძირე, ნამდა ჯგირო ოკო გაანალიზე რეკლამა. მაგალთო, მუჟამსით უჯინექ „გამომწვევ“ ვარდა „სექსუალურ“ მიკაქუნალიშ რეკლამას, დეფიქრ თე კითხვეფშე:
„მოდას გევაჸუნუქ-და, სინამდვილეს მი მიღენს მოგებას?“
„მუნერ ადამიანიშ რეპუტაცია მაღვენუ თე ბარგით?“
„ჩქიმ მიკაქუნალშე ქიძირენო, სინამდვილეს მი ვორექ დო მუ პრინციპეფით ფცხოვრენქ?“
რჩევა: მარაშ დინახალე ჯგირო ქიდეკვირ მიკაქუნალიშ რეკლამეფს, ნამდგას მედია საშვალებეფ ოძირანა. მუნერ ცხოვრებაშ წესის ელუჩანა თინეფ ადამიანეფს? ხომ ველაიჩანა, ნამდა აუცილებერო ოკო მიაჸუნათ მოდას? ახალგაზრდა, სახელო კარენ, იჩიებ: „ამდღა მთელ ყურადღება თიშა რე გინოღალირ, ნამდა სრულყოფილ გარეგნობა გიღდას, სრულყოფილო მიკორქუნდას დო სქან სხეულ მუთ შილებე სქვამას გემკარჩქინე. სარეკლამო სააგენტოეფს ჯგირო არჩქილენა, ნამდა შეულებნა ახალგაზრდეფ ხეთეშე გეიჸუნუან“.
არასწორ გადაწყვეტილება 2: მოდაშ ეჸუნა პოპულარულობაშ მიოღებელო.
ნამდგაინ სტილიშ მიკაქუნალქ მოდაშა გამშართ-და, არძა თეცალ ბარგიშ მიკოქუნას ოცად. თაშ ვამკიქუნანქ-და, ხალხ ქუგგოძიცანს“, — იჩიებ ართ ახალგაზრდა, მანუელ. თეს ანა ხოლო ოთანხმ: „თე დროს სქანო თინა ვა რე მთავარ, მოდას მიაჸუნე, მთავარ რე, სქან მახანეფიშ თოლს პოპულარულობა მიღე“.
სწორ გადაწყვეტილება: ბიბლიას რაგადებულ რე: „ქვეყნიერებაშ ჭკუაშა მეტო ვეცხოვრათ“ (რომაელები 12:2). ქიმიაჸუნ თე რჩევას, ქიგნაჯინ სქან ბარგეფს დო დეფიქრ თე კითხვეფშე:
„უმენტაშო მუშ მიხედვით გიშაბგორუნქ მიკაქუნალს?“
„მუზმათ მნიშნელოვან რე ჩქიმო ბრენდიშ სახელ?“
„ხომ ვა ვოცადუქ, ჩქიმ მიკაქუნალით შხვეფ გუვაკვირე?“
რჩევა: თიშ მანგიორო, ნამდა მიკაქუნალ ხვალე ჟირ კატეგორიათ გორთე — მოდურ (მისაღებ) ვარდა მოდაშე გიშულირ (მიუღებელ) — მასმა კატეგორიაშე ხოლო ქიფიქრ: მოკრძალებურ დო უსაფრთხო. მუთ უმოს კომფორტულო გინაფლენქ დუდის, თით უმოს ნაკლებო გოწუხ, ქიჸუაფუქ დო ვარ შხვეფიშ თოლს აღიარებულ.
არასწორ გადაწყვეტილება 3: გავრცელებურ აზრ: „მუთ უმოს სექსუალურ რე, თით უჯგუშ რე“.
„ალალას ქოფთქუენ, მინშა მა ხოლო მოკო, ქიმკიფქუნე თიცალ ბარგ, ნამუთ რე მანგარ კუნტა, ნაბეტან ვიწრო ვარდა გორწკიპილ“, — იჩიებ ართ ახალგაზრდა, სახელო ჯენიფერ.
სწორ გადაწყვეტილება: ბიბლია იჩიებ: „თქვა თინა ოკო ვა გასქვამენდან, მუთ გალეშე იძირე … ოკო გასქვამენდან დინახლენ პიროვნება“ (1 პეტრე 3:3, 4). ქიმიაჸუნ თე რჩევას, დეფიქრ, მუ რე უმოს სქვამ — თოლშამალაფარ გარეგნობა დოვარ პიროვნულ სისქვამე.
რჩევა: სი არძაშ უჯგუშო მოკრძალება გასქვამენს. მართალ რე, თე სიტყვა ამდღა ვა რე პოპულარულ, მარა დეფიქრ:
ქეშეხვალამუქო თიცალ ადამიანს, მით ირიათო ხვალე მუშ დუდშე დო მიკაქუნალშე იჩიებ? სანარღოთ, თინეფს წარმოდგენა ხოლო ვა უღნა, ნამდა თეცალ ადამიანწკუმა ურთიერთობა მითინს ვა მოწონს!
სქან მიკოქუნათ შხვეფს შილებე ოფიქრებაფუანდე, ნამდა არძაშ უჯგუშო მეიღ დუდ. თეცალ ადამიანწკუმა ურთიერთობა მითინს ვა მოწონს
მუჟამსით გამომწვევო მიკიქუნანქ, სი ხოლო თეშნერ პიროვნებას აგურუქ. თეცალ მიკოქუნათ ხალხის ურაგადუქ „ქომჯინით!“ დო ოფიქრებაფუნქ, ნამდა ვა რექ სანდო ვარდა არძაშ უჯგუშო მეიღ დუდ, ვარდა ჟირხოლო ართო. თეს გეძინელ, შილებე შხვეფქ იფიქრან, ნამდა ირნერო ოცადუქ, ყურადღება მიქცუე დო ვა უღჷ მნიშვნელობა, მიშე იჸი თე ყურადღება.
თიშ მანგიორო, რეკლამა გუკეთე თის, მუდგას ვეგმოჩანქ, ქეცად, რდე მოკრძალებურ. „მოკრძალება ვა ნიშნენს, ბებცალო მიკორქუნდას“, — იჩიებ მონიკა — „უბრალოთ, მუჟამსით მოკრძალებურო მიკორქუნს, პატის ცენქ მუჭოთ სქან დუდის, თეშ შხვეფს“.