მუშენ ვაღნიშნენა იეჰოვაშ მოწმეეფ თანაფას?
გავრცელებურ არასწორ აზრეფ
არასწორ: იეჰოვაშ მოწმეეფ თიშენ ვაღნიშნენა თანაფას, ნამდა ვა რენა ქრისტიანეფ.
სწორ: ჩქი ბწანა, ნამდა იესო ქრისტე რე ჩქინ მარსხებელ დო ვოცადუთ ირფელ გუვაკეთათ, ნამდა მივაჸუნათ თიშ ნაკვალუს (1 პეტრე 2:21; ლუკა 2:11).
არასწორ: თქვა ვა რჯერა იესოშ გათელება.
სწორ: ჩქი ბჯერა, ნამდა იესოქ გეთელ; ჩქი მარჩქილენა, ნამდა თენა რე ქრისტიანულ რწმენაშ საფუძველ დო ფქადაგენთ თე მნიშვნელოვან თემაშ გურშენ (1 კორინთელები 15:3, 4, 12—15).
არასწორ: თქვა ვარზენთ სქუალეფს თიშ უფლებას, ნამდა გეხარან ქირსეშ დღახუშ აღნიშნებათ.
სწორ: ჩქი მიჸორა ჩქინ სქუალეფ — დროს გიმურთუნთ თინეფს, ნამდა ვოგურუათ დო ხე შეუნწყუათ, რდან ბედნერეფ (ტიტე 2:4).
მუშენ ვაღნიშნენა იეჰოვაშ მოწმეეფ თანაფას?
ქირსეშ დღახუშ აღნიშნება ბიბლიაშა ვა რე გერსხილ.
იესოქ დიჩინ, ნამდა აბღნიშნითკო მუშ ღურაშ დო ვართ ხოლო გათელებაშ დღა. ჩქი ირ წანას აბღნიშნენთ იესოშ ღურაშ დღას მთვარეშ კალენდარიშ გიმორნაფათ (ლუკა 22:19, 20).
ჩქი მიჩქნა, ნამდა თანაფაშ დღახუშ აღნიშნება ნაყოფიერებაშ რიტუალეფშე მოურს დო ღორონთშო მიუღებელ რე. ღორონთ ითხინს „განსაკუთრებულ ართგურობას“ დო გურს უწყუნუანს, მუჟამსით თის ვა მოწონსინ თეშ ცენა თაყვანს (გამოსვლა 20:5; 1 მეფეები 18:21).
ჩქინ გადაწყვეტილება, ნამდა ვაბღნიშნათ თანაფაშ დღახუ, გერსხილ რე ბიბლიაშა. ბიბლია მომწოდენა, გიმიბრინუათ „პრაქტიკულ სიბრძნე დო ჭკუა“ ვინემ უბრალოთ მივაჸუნათ ადამიანურ ტრადიციეფს (იგავები 3:21; მათე 15:3). მუჟამსით შხვეფს ვურაგადუთ თანაფაშ გურშენ ჩქინ დამოკიდებულებაშე, თეწკუმა ართო ჩქი პატის ფცენთ პიროვნებაშ უფლებას, პირადო გინოჭყვიდას, მუჭო მიქციებ (1 პეტრე 3:15).