მუ საფრთხეეფ მოუღ მოზარდეფშო სოციალურ მედიას მთელ მსოფლიოს?

2025 წანას მსოფლიოშ შხვადოშხვა ქიანეფიშ მთავრობა მანგარ შეწუხებულ რდჷ თით, მუჭო მოქმედენს ახალგაზრდეფშა სოციალურ მედია. ართ-ართ ქიანას 16 წანაშახიან ბაღანეფშო სოციალურ მედიაშ გიმორნაფა აკრძალეს დო შხვა ქიანეფს ხოლო ფიქრენა იგივე ზომეფიშ მეღებას.

საინტერესო რე, ნამდა ნამთინე მოზარდ ხოლო ორწყე, მუ საფრთხექ შილებე მაჸუნას სოციალურ მედიაშ გიმორნაფას. შეერთებულ შტატეფს ჩატარებულ ართ-ართ კვლევაშ შედეგეფს, ნამდგაქ 2025 წანაშ აპრილიშ თუთას გიშართჷ, ჭარუდ: „მოზარდეფიშ დახე გვერდიშ (48%) აზრით [სოციალურ მედია] უმენტაშო გლახათ მოქმედენს თინეფიშ ასაკიშ ახალგაზრდეფშა“ (Pew Research Center).

ჯანმრთელობაშ ექსპერტეფ მაფრთხილენა მუნერ გლახათ შილებე იმოქმედას ახალგაზრდეფიშ მენტალურ ჯანმრთელობაშა სოციალურ მედიაქ. ულირ წანას დოქტორ ვივეკ მურთიქ, ნამუთ შეერთებულ შტატეფს მთავარ ქირურგ რდჷ, ჭარჷ: „იძირე, ნამდა ამდღა ახალგაზრდეფს გლახა ფსიქიკურ ჯანმრთელობა უღუნა, მუდგაშ ართ-ართ ძირითად მიზეზ სოციალურ მედიაშ გიმორნაფა რე“.

მუჭო შეულებუნა მშობლეფს, დეცვან მუნეფიშ სქუალეფ სოციალურ მედიაშ გლახა გავლენაშე? ბიბლია პრაქტიკულ რჩევას მარზენა.

მუშ კეთება შეულებუნა მშობლეფს

გუვარჩუათ თუდო მოჩამილ ბიბლიურ პრინციპეფ:

„გურგოჩამილ ოკვირ მუშ ნაბიჯეფს“ (იგავეფ 14:15).

ვეფიქრათ, ნამდა თქვან სქუას აუცილებერო ოკო მეჩათ სოციალურ მედიაშ გიმორნაფაშ უფლება, მუშენდა თის შეულებ გლახათ იმოქმედას ბაღანაშა. სოიშახ სქუას სოციალურ მედიაშ გიმორნაფაშ უფლებას მეჩანდათ, დერწმუნით, ნამდა თინა თქვან დოდგინელ დროს ვეგნაჩილითუანს, აჸვენუ ჯგირ მეგობრეფ დო გლახა საიტეფშა ვემშურს.

• უმოსიშ გაგებელო წეკითხით სტატიეფ: „მუჭო ოკო გიმირინუას ჩქიმ სქუაქ სოციალურ მედია?“ [ქორთ.] დო „ქუდაგურეთ სქუალეფს სოციალურ მედიაშ გიმორნაფა“ [ქორთ.].

„ჭკვერულო გეგმირინეთ დრო“ (ეფესოელეფ 5:16).

თქვან სქუას სოციალურ მედიაშ გიმორნაფაშ უფლებას ქიმეჩანთ-და, დადგინით წესეფ დო გეუნწყით, ნამდა თეს კინ მუშ საჯგირობუოთ ორთუთ. რდათჷ დაკვირებულ. თქვან სქუაშ საქციელს მუდგაინ ცვლილებას ქოძირუნთ-და, თენა შილებე თის ნიშნენდას, ნამდა ხოლო უმოს ჭიჭე ხან ოკო მეჩათ სოციალურ მედიაშ გიმარნაფალო.

• ქაძირეთ თქვან სქუას გრაფიკულ ანიმაცია „ვემშაიტყურუას სოციალურ ქსელქ“ დო ქიმეხვარით, ქიმეხვადას, მუშენ რე საჭირო გუვაკონტროლათ, მუჭო გიმიბრინუანთ სოციალურ მედიას.

თეს გეძინელ, მშობლეფს შეულებუნა შხვა რჩევეფ ხოლო ძირან სტატიას, სათაურით „ჯანდაცვაშ წარმომადგენელეფ იჩიებნა, მუნერ გლახათ მოქმედენს ახალგაზრდეფშა სოციალურ ქსელეფ — მუს იჩიებ ბიბლია?“

ქიგეგით უმოს

ბიბლია იჩიებ, ნამდა ჩქი „ძნელო გინაღალარ დროს“ ფცხოვრენთ (2 ტიმოთე 3:1–5). თეწკუმა ართო, თინა პრაქტიკულ რჩევეფს ხოლო მარზენა, ნამდგას შეულებ ჩქინ მოხვარა. სტატიას, სათაურით, „მოზარდეფ შქას მენტალურ ჯამრთელობაშ პრობლემეფ იძინანს — მუს იჩიებ ბიბლია?“, მოჩამილ რე, ბიბლიაშა გერსხილ 20-შე უმოს წყარო, ნამუთ მეხვარებ მშობლეფს დო თინეფიშ სქუალეფს.