მსოფლიოს უკანონობა იძინანს — მუს იჩიებ ბიბლია?

ჰაიტიქ მოძალადეეფიშ ბანდეფით ეიფშჷ. სამხრეთ აფრიკას, მექსიკას დო შხვა ლათინურ ქიანეფს ძალადობა ჭირცალო იძინანს. თიცალ ქიანეფს ხოლო, სოდეთ ძალადობაქ ჭიჭე დერკჷ, ხალხ იშენით შქურნაფილ რე, მუშენდა ხირუა დო ვანდალიზმიშ გურშენ ირჩქილუაფუნა.

მუს იჩიებ ბიბლია თი უკანონობაშე, მუთ ამდღა მსოფლიოს ხვადუ?

მუ იწინასწარმეტყველ ბიბლიაქ უკანონობაშენ?

ბიბლიაქ იწინასწარმეტყველ, ნამდა უკანონობა „თე ქვეყნიერებაშ ბოლოშ“ ნიშანიშ ნაწილ იჸუაფუდ (მათე 24:3). მუჟამსით თი მოვლენეფშე იჩიებუდ, ნამუთ თე ნიშანიშ ნაწილ რე, იესო ქრისტექ თქუ:

• „უკანონობაშ მოძინაშ გურშენ ხალხიშ უმენტაშის ჸოროფა მეუდინუ“ (მათე 24:12).

თეს გეძინელ, ბიბლიას თინა ხოლო ნაწინასწარმეტყველებ რდჷ, ნამდა „ბოლო დღალეფს“ კოჩ იჸუაფუდ „დუდიშ შეკება უჭირსინ ფერ, სასტიკ, ჯგირ ჯოგუნ ფერ“ (2 ტიმოთე 3:1—5). თეცალ ეგოისტურ დამოკიდებულებეფ ხეს უნწყუნს თი უკანონო საქციელეფს, ნამდგას ამდღა ვორწყეთ.

მარა, ჩქი იმენდიშ მიზეზ მიღნა. მუჭოთ ბიბლია მოპირუნა, უკანონობა მალას მისპუ.

• „ხოლო ჭიჭეხან დო ვეჸუაფ უბადო; ქიდეკვირებუქ თიშ ადგილს დო ვეჸუაფ თინა. თვინიერეფ დემკვიდრენა დედამიწას დო გეხარებნა დიდ მშვიდობათ“ (ფსალმუნი 37:10, 11).

უმოს ქიგეგით თი იმენდიშ გურშენ, ნამდგას ბიბლია მარზენა დო მუშენ შეილებუნა რჯერდან, ნამდა ამდღა ვორწყეთინ თი მოვლენეფით, ბიბლიურ წინასწარმეტყველება ისრულებ. წეკითხით თე სტატიეფ:

„უჯგუშ მომავალიშ რეალურ იმენდ“ [ქორთ.]

«მუ რე „ბოლო დღალეფიშ“ ნიშან?» [ქორთ.]

„იწინასწარმეტყველუო ბიბლიაქ ამდღარ დროს მახორუ კათაშ აზროვნება დო საქციელ?“ [ქორთ.]