ხელოვნურ ინტელექტ — მეცილებნანო დოვარ ჯგირობუას მომღანა? — მუს იჩიებ ბიბლია?

ამარდე მსოფლიო ლიდერეფქ, მეცნიერეფქ დო ინჟინერ-ტექნოლოგეფქ მუნეფიშ აზრ გიმოხანტეს ხელოვნურ ინტელექტწკუმა (AI) დაკავშირებით. თინეფ იჩიებნა, ნამდა თის შეულებ ბრელ ჯგირობუა მომღან, მარა თეწკუმა ართო, შილებე ნამთინექ არასწორო გიმირინუას.

• „ხელოვნურ ინტელექტ ამდღა არძაშ უმოს ძალიერ ტექნოლოგია რე, ნამდგას ხალხიშ ცხოვრებაშ გაუჯგუშება შეულებ ... თეწკუმა ართო, შილებე საფრთხეშ თუდო ხოლო ქიგმორინუან, მიდამღან ჩქინ სამოქალაქო უფლებეფ დო დემოკრატიაშ მიმართ ნდობა ხოლო მემდინუან“ (კამალა ჰარის, შეერთებულ შტატეფიშ ვიცე-პრეზიდენტ, 4 მეს, 2023 წანა).

• „მართალ რე, ხელოვნურ ინტელექტ ჯანდაცვაწკუმა დაკავშირებულ ბრელ საკითხის მაგვარენს, მარა თეწკუმა ართო, შილებე საფრთხეშ თუდო ქიგიორინუანს ჩქინ ფიზიკურ დო ემოციურ ჯამრთელობა“ (ექიმეფიშ დო ექსპერტეფიშ საერთაშორისო ჯგუფ, „BMJ Global Health“, 9 მეს, 2023 წანა).a

• „ხელოვნურ ინტელექტიშ გიმორნაფათ ხალხის უკვე შეულებ სწორ ვა რენ ფერ ინფორმაციაშ გავრცელება. შილებე მალას თე გამოგონებაქ ხალხის სამუშეფ ხოლო მიდუღას. ნამთინე, მიდგას ტექნოლოგიაწკუმა უღჷ შეხება, ფიქრენს, ნამდა ხელოვნურ ინტელექტ მომავალს კაცობრიობას ეცილებ“ („ნიუ-იორკ ტაიმზ“, 1 მეს, 2023 წანა).

დრო უჯგუშო ქაძირანს, მუჭო გიმირინუანა ადამიანეფ ხელოვნურ ინტელექტის. მუს იჩიებ ბიბლია თე საკითხიშ გურშენ?

მუშენ ორჩქინანს ადამიანეფიშ გამოგონებეფ დაუცველობაშ გრძნობას?

ბიბლია იჩიებ, მუშენ ვა მაჩინენა ადამიანეფს თიშ გარანტია, ნამდა ტექნოლოგიურ გამოგონებეფ ხვალე ჯგირ მიზანით იჸუაფ გიმორნაფილ.

1. 1. შილებე ადამიანეფს ჯგირ მოტივეფ უღდან, მარა თინეფს ვეშულებნა ძირან, მუ მაჸუნუ თინეფიშ საქმეეფს.

   • „რე შარა, ნამუთ კოჩის სწორ მიორჩქჷ, მარა თიშ ბოლო ღურა რე“ (იგავები 14:12).

2. 2. ადამიანს ვეშულებ თიშ გაკონტროლება, მუჭო გიმირინუანა შხვეფ თიშ გამოგონებას.

   • „[ჩქიმ კეთებულ საქმე] ჩქიმ უკულ მოულირს დასქიდუ. მის უჩქჷ, გონიერ იჸუაფ დოვარ უგუნურ?! თიშ ხეს იჸუაფ ირფელ, მუდგას მთელ ჩქიმ ძალა დო მთელ ჩქიმ სიბრძნე მიკვახარჯჷ თე ქიანას“ (ეკლესიასტე 2:18, 19).

თეცალ გაურკვევლობაშ გრძნობა მიღნან თენა ოძირანს, ნამდა მოსაჭირნა გუმაჭყაფალიშ ხემძღვანელობა.

მუშა შემლებნა ვორდათ დარწმუნებულ?

ჩქინ გუმაჭყაფალ მოპირნა, ნამდა დღას ვემეჩანს ადამიანეფს დო თინეფიშ მოგონილ ტექნოლოგიას, დედამიწაშ დო კაცობრიობაშ განადგურებაშ უფლებას.

• „დედამიწა მარადიულო სქიდუ“ (ეკლესიასტე 1:4).

• „მართალეფ დემკვიდრენა დედამიწას დო მარადიულო იცხოვრენა თექ“ (ფსალმუნი 37:29).

ბიბლიაშ საშვალებათ ჩქინ გუმაჭყაფალ მარზენა ხემძღვანელობას, ნამუთ მშვიდობიან მომავალს მომღანა. მეტ ინფორმაციაშ მიოღებელო, წეკითხით სტატიეფ „წიგნ, ნამდგას ჩქინ მომავალიშ თირუა შეულებ“ [ქორთ.] დო „უჯგუშ მომავალიშ რეალურ იმენდ“ [ქორთ.].