მთელ მსოფლიოს ტემპერატურა რეკორდულო იძინანს — მუს იჩიებ ბიბლია?

მთელ მსოფლიოს 2022 წანაშ კვირკვეს, რეკორდულო მაღალ ტემპერატურა დაფიქსირეს:

• „ჩინეთიშ მთავრობა აფრთხილენს ხალხის, ნამდა სოდგარენ 70-შე მეტ ქალაქის, თე თუთას უკვე მაჟიაშა, ტემპერატურა მანგარო მიძინანს დო ჩხანას წუმორნა ოშქურანჯ იჸუაფ“ — ჭარუდ ართ-ართ ჟურნალიშ 2022 წანაშ 25 კვირკვეშ გიშაშქუმალას (CNN Wire Service).

• „ევროპას ტემპერატურაშ რეკორდულო მოძინაშ გურშენ, ბრელ ქიანას, ტყალეფს დაჩხირ ურჩქინდუ“ — ჭარუდ ართ-ართ ჟურნალიშ 2022 წანაშ 17 კვირკვეშ გიშაშქუმალას (The Guardian).

• „ჟეშხა დღას შეერთებულ შტატეფიშ ბრელ ქალაქის თიცალ სინჩხექ დეფიქსირ, მუნერით აიშახ ვა ჸოფე, მუშენდა აღმოსავლეთ სანაპიროს დო სამხრეთ დო დასავლეთ ნაწილეფს ტემპერატურაქ მანგარო მიძინ“ („ნიუ-იორკ ტაიმზ“, 24 კვირკვე, 2022).

მუს ნიშნენს თე ირფელ? თის ხომ ვარ, ნამდა ჭიჭე ხანშა დედამიწას ცხოვრება შეიოლებერ ვეჸუაფ? მუს იჩიებ ბიბლია?

ნაწინასწარმეტყველებ რდუო ბიბლიას ტემპერატურაშ მანგარო მოძინაშენ?

ქო, ბიბლიაქ ჩქინ დროშ გურშენ იწინასწარმეტყველ თიცალ მუდგარენ, მუდგაშა ტემპერატურაშ მანგარო მოძინა ხოლო მიშურს. მაგალთო, იესოქ თქუ: „იჸუაფ ოშქურანჯ მოვლენეფ“ (ლუკა 21:11). ტემპერატურაშ თეცალ მოძინაშა ბრელს ოშქურ, მუშენდა ფიქრენა, ნამდა ადამიანეფ საბოლათ განადგურებაშა ქიმიჸონანა დედამიწას.

მისპუნო დედამიწას სიცოცხლე?

ვარ, მუშენდა ღორონთიქ დედამიწა თიშენ გაჭყჷ, ნამდა ადამიანეფქ მარადიულო იცხოვრესკო (ფსალმუნი 115:16; ეკლესიასტე 1:4). ადამიანეფს დედამიწაშ განადგურებაშ საშვალება მეჩასინ თიშ მანგიორო, ღორონთ მოპირნა, ნამდა მოსპუნს „დედამიწაშ მუმასპუალეფს“ (გამოცხადება 11:18).

ქობძირათ ხვალე ჟირ წინასწარმეტყველება, სოვრეშეთ იძირე ხოლო მუს მოპირნა ღორონთ:

• „გოფალუნს უდაბნო დო ხიროკილ დიხა, ხიოლ აღვენუ მითინ ვახორანსინ ფერ ადგილს დო ყვინთელ პირცალო გოპეულანს“ (ესაია 35:1). ღორონთ ვა დუშვენს, ნამდა დედამიწაქ უდაბნოთ გინირთას, თეშ გინაწონს, თინა აღადგინენს პლანეტაშ დაზიანებულ ადგილეფს.

• „სი მიკმაჯინექ დედამიწას, ვარკენქ ხვე დო ბარაქას“ (ფსალმუნი 65:9). ღორონთიშ კურთხევათ, დედამიწა სამოთხეთ გინირთუ.

თიშ გაგებელო, მუჭო ისრულებ კლიმატიშ თირუათ ბიბლიურ წინასწარმეტყველება, შეილებნა წეკითხათ ართ-ართ სტატია ჩქინ ვებგვერდის („რას ამბობს ბიბლია კლიმატის ცვლილებასა და კაცობრიობის მომავალზე?“).

თიშ გაგებელო, მუს იჩიებ ბიბლია გარემოშ აღდგენაშ გურშენ, შეილებნა წეკითხათ ართ-ართ სტატია ჩქინ ვებგვერდის („ვინ გადაარჩენს დედამიწას?“).