მუ ჯგირობუა მოუღ იესოშ მსხვერპლის?
წანმოწანაშე ართშა მთელ მსოფლიოს იეჰოვაშ მოწმეეფ მილიონობით დაპატიჟებულ სტუმარწკუმა ართო იესოშ ღურაშ გოშინაშ ონჯუას აღნიშნენა, მუჭოთ თენა იესოქ დიჩინ (ლუკა 22:19). თე მოვლენა მოხვარუნა, უმოსო ქინვანჭათ, მუშმადიდა მნიშვნელობა უღჷ იესოშ მსხვერპლის, ნამდგაქ კაცობრიობაშო იჸუ კეთებულქ, დო დუვაფასათ თინა. თეს გეძინელ, მოძირანა, მუ ჯგირობუაშ მოღალა შეულებ თე მსხვერპლის ჩქინდა ქოთ ასე დო ქოთ მომავალს (იოანე 3:16).
მუჭო შეილებუნა, ჯგირობუა მიღათ იესოშ მსხვერპლშე, თიშ უმკუჯინუო, თე წანას დესწრით დო ვარ თე შეხვალამას? იესოქ თქუ, ნამ ჟირ მნიშვნელოვან მუდგარენიშ კეთება მოსაჭირუნა:
1) ღორონთიშ დო იესოშ გაჩინებაფა. იესოქ ლოცვას მუშ ზეციერ მუმას უწუ: „ულიებ სიცოცხლეშ მიოღებელო ოკო გიჩინებაფუანდან სი, ხვალე ართ ნამდვილ ღორონთის, დო თის, მით სი მაშქვჷ, იესო ქრისტეს“ (იოანე17:3).
2) ნაგურეფუშ გიმორნაფა. იესოქ ყურადღება გამახვილ, ნამდა თიშ გურაფეფ ცხოვრებას ოკო გეგმიბრინეთკო. მაგალთო, ბრელშო ნაჩინებ გვალას ქადაგებაშ ბოლოს თიქ ოცქუ არძას, მით „ურჩქილე [თიშ] სიტყვეფს დო მეჸუნს თინეფს“ (ლუკა 6:46–48). თიქ შხვა დროს ხოლო თეცალ მუდგარენ თქუ: „ასე გიჩქუნა თე ირფელ, მარა ბედნერეფ თიმწკუმა იჸუაფუთ, მუჟამსით გაკეთენთ თე ირფელს“ (იოანე 13:17).
გოკონანო, უმოს ქიგეგათ ღორონთიშ დო იესოშ გურშენ? გოინტერესუნანო, მუჭო შეილებუნა ნაგურეფ გეგმირინუათ ცხოვრებას? თუდო მოჩამილ რე მუსხირენ საშვალება, ნამუთ თეს ქიმგეხვარებუნა.
ბიბლიაშ გურაფაშ კურს
ბიბლიაშ უფასო ინტერაქტიულ გურაფაშ კურსიქ ბრელს მეხვარ, გეგმირკვუკო ბიბლია დო ნაგურეფ ცხოვრებას გეგმირინუკო.
ქოძირით „ბიბლიაშ გურაფა დამხმარეწკუმა ართო“ დო უმოს ქიგეგით თე გურაფაშ კურსიშ გურშენ.
ქუჯინით ვიდეოს „მთელ გურით მიგესალმებუთ ბიბლიაშ გურაფაშა“ დო ქიგეგით, მუჭო იტარებ ბიბლიაშ გურაფა იეჰოვაშ მოწმეეფწკუმა.
იეჰოვაშ მოწმეეფიშ შეხვალამეფ
იეჰოვაშ მოწმეეფ მარაშე ჟირშა იშაყარუნა მუნეფიშ დარბაზეფს. თე შეხვალამეფს ჩქი ბიბლიაშე ბგურაფლენთ დო ბგებულენთ, მუჭო შემლებუნა ნაგურეფუშ ცხოვრებას გიმორნაფა.
თე შეხვალამეფშა დასწრება არძას შეულებ. თეშო ვა რე აუცილებერ, იეჰოვაშ მოწმე რდათჷ. ადგილობრივ სიტუაციაშ მიხედვით, შეილებუნა თე შეხვალამეფს დარბაზის დესწრათ ვარდა ვიდეოკონფერენციაშ საშვალებათ ქუჯინათ.
ქუჯინით ვიდეოს „მუს ომსახურ იეჰოვაშ მოწმეეფიშ დარბაზ?“, ნამდა წარმოდგენა გიღუდან, მუ ხვადუ ჩქინ შეხვალამეფს.
გემშართით განყოფილებაშა „იეჰოვაშ მოწმეეფიშ კრებეფი“ დო ქიგეგით, სო იტარებ თქვან გოხოლუას შეხვალამა.
ონლაინსტატიეფ დო ვიდეოეფ
თე ვებსაიტის მოჩამილ სტატიეფ დო ვიდეოეფ მიგეხვარებუნა, უმოს ქიგეგათ იესოშ გურაფეფიშ დო თიშ კეთებულ მსხვერპლიშ გურშენ.
მაგალთო, თიშ გაგებელო, მუჭო შილებე ართ კოჩიშ ღურაქ მილიონობით ადამიანს მოუღას ჯგირობუა, წეკითხით სტატიეფ „მუჭო მირსხენა იესო“ დო „მუჭო შეულებ იესოშ ღურას ჩქინ რსხება?“ ვარდა ქუჯინით ვიდეოს „მუშენ ღურ იესოქ?“.