ელაიჩანთ, ქოძირათ

ქიგეგით უმოს იეჰოვაშ თვისებეფიშ გურშენ

ბიბლიაშ კითხირიშ დროს შემლებნა გიმიბრინუათ შხვადოშხვა ორკვიებელ საშვალება, ნამუთ მიმეხვარებნა, ქინვანჭათ ნაკითხირს. მარა მუშო ოკო რაგად, მუდგარენიშ გიმორკვიება ხვალე თიშენ ვამკონა, ნამდა უმოს რჩქინა მიბღათ ბიბლიაშე. ჩქინ მიზან რე, უჯგუშო გეფჩინებაფუათ იეჰოვა, მუთ ხოლო უმოსო ქომიჸოროფუანა თის. კითხირიშ დროს თქვან დუდის ქოკითხით: „მუს მოგურუანს თე მონაკვეთ იეჰოვაშ გურშენ?“.

მაგალთო, შეილებნა დეფიქრათ, მუჭო იძირე კითხირებულშე იეჰოვაშ ჸოროფა, სიბრძნე, სამართლიანობა დო ძალა. მუშო ოკო რაგად, იეჰოვას შხვა ძვირფას თვისებეფ ხოლო უღჷ, ნამდგაშ გურშენ შეილებნა უმოს გეგათ. სო შეილებნა იეჰოვაშ თვისებეფიშ გურშენ უმოს ინფორმაციაშ ძირაფა?

„გინაჯინალ კოშკიშ პუბლიკაციეფიშ საძიებელს“ დოგორით სათაურ „იეჰოვა“ დო ქოძირით ქვესათაურ „ცალკეულ თვისებეფ“ [ქორთ.], სოდეთ გიმოკოროცხილ რე იეჰოვაშ სოდგარენ 50 თვისება („გინაჯინალ კოშკიშ ორკვიებელ სახემძღვანელოს“ ქირინუანთ-და, გეგშაგორით თემა „იეჰოვა ღორონთ“ დო ქოძირით ქვესათაურ „იეჰოვაშ თვისებეფ“ [ქორთ.]).