გავითარით იეჰოვა დო იესოშ მიმართ რწმენა წიგნით „მარადიულო გეხარით ცხოვრებათ!“

ბიბლიაშ მაგურაფალქ იეჰოვას ქასიამოვნასინ, თიშ მიმართ ძალიერ რწმენა ოკო გავითარას (ებრ. 11:6). ჩქი შემლებნა მივეხვარათ თეშ კეთებას წიგნით „მარადიულო გეხარით ცხოვრებათ!“. თე წიგნშა მიშურს მთავარ ბიბლიურ მუხლეფ, ლოგიკურ მსჯელობა, ეფექტურ კითხვეფ, საინტერესო ვიდეოეფ დო სქვამ ილუსტრაციეფ. მუჟამსით ბიბლიაშ მაგურაფალს ქრისტიანულ თვისებეფიშ დო იეჰოვაწკუმა ხოლოშიან ურთიერთობაშ გავითარებას მივეხვარებუთ, თიშ რწმენა, თაშ ქოფთქუათინ, თიცალ მასალაცალ იჸუაფ, ნამუთ დაჩხირს ურზუ (1 კორ. 3:12—15).

ნამთინეს უჭირს თიშ დაჯერება, ნამდა შეიოლებერ რე გინირთას ღორონთიშ მეგობარო, ნამდგას ვარწყე. თაშ ნამდა, ჩქი ოკო მივეხვარათ თინეფს, გეჩინებაფუან იეჰოვა დო გევითარან თიშ მიმართ რწმენა.

ქუჯინ ვიდეოს «გავითარით რწმენა იეჰოვაშ მიმართ წიგნით „მარადიულო გეხარით ცხოვრებათ!“». უკულ ქუპასუხ თუდო მოჩამილ კითხვეფს:

• სოვრეშე იძირე, ნამდა ჩქინ და ჯგირო რდჷ მომზადებულ ბიბლიაშ გურაფაშო?

• მუჭო გიმირინუ დამატებით კითხვეფ, ნამდა ქიმეხვარკო მაგურაფალს მუშ აზრეფიშ დო გრძნობეფიშ გიმოხანტუას ესაიაშ 41:10, 13-წკუმა დაკავშირებით?

• მუჭო იმოქმედ ვიდეოქ დო ბიბლიურ მუხლეფქ მაგურაფალშა?

ბრელს ვარჩქილე, მუს ნიშნენს იესოშ გიშაჸიდირალ დო თინა ღორონთშე მეღებულ ძღვინო ვემიორჩქ (გალ. 2:20). ათეშენ, ოკო მივეხვარათ თინეფს, გავითარან რწმენა იესოშ გიშაჸიდირალიშ მიმართ.

ქუჯინ ვიდეოს «გავითარით რწმენა იესოშ მიმართ წიგნით „მარადიულო გეხარით ცხოვრებათ!“». უკულ ქუპასუხ თუდო მოჩამილ კითხვეფს:

• სოვრეშე იძირე, ნამდა ჩქინ ჯიმა ჯგირო რდჷ მომზადებულ ბიბლიაშ გურაფაშო?

• მუჭო გიმირინუ „დამატებით მასალა“, ნამდა ქიმეხვარკო ბიბლიაშ მაგურაფალს?

• მუშენ რე მნიშვნელოვან, იბლოცათ ბიბლიაშ მაგურაფალშო?