რაგადიშ დოჭყაფა ბუკლეტეფიშ საშვალებათ

2018 წანაშ იანარშე მოჸუნაფილ „ცხოვრება დო მსახურებაშ“ ფურცელიშ პირველ გვერდის ჟურნალეფიშ შეთავაზებაშ ნიმუშეფიშ მანგიორო იბეშტუ ჩიებაშ ნიმუშეფ. ჩქინ მიზან რე, უმოს ყურადღება პუბლიკაციეფიშ გავრცელებაშა ვარინ, ხალხწკუმა ჩიებაშა გეგნიბღათ. ათეშენ იმზადებ ჩიებაშ ნიმუშიშ ვიდეოეფ, ნამუთ მაუწყებელეფს ოხვარ, ქიდიჭყან რაგად ხვალე ბიბლიაშ გიმორნაფათ. ნიშნენსო თენა თის, ნამდა კარდოკარ ქადაგებაშ დროს შურო ვეგმიბრინუათ პუბლიკაციეფ? მუშო ოკო რაგად, ვარ! მაგალთო, ბუკლეტეფიშ გიმორნაფა ეფექტურ საშვალება რე ჩიებაშ დაჭყაფალო. ჩქი შემლებნა თუდო მოჩამილ მეთოდ გიმიბრინუათ თითოულ ბუკლეტწკუმა:

1. ქუდუსვ პირველ გვერდის მოჩამილ კითხვა.

2. ქაძირე პასუხ მაჟია გვერდის ციტირებულ ბიბლიურ მუხლიშ საშვალებათ. დრო საშვალებას ქუგარზენს-და, წეკითხ დო გარჩი დინახლენ გვერდეფს მოჩამილ ინფორმაცია.

3. ქიმეჩ ბუკლეტ მენძელს დო ქელუჩ, თავისფალ დროს წეკითხას.

4. ულაშახ, ქაძირე ბოლო გვერდის მოჩამილ კითხვა დო ქუწი, ნამდა ანწიან მოულას თე კითხვას ბიბლიაშე ქიმეჩანქ პასუხის.

მუჟამსით ქიმიაკითხანქ, ქიმსჯელ დოტებულ კითხვაშე დო თეშ უკულ ქუდუტე შხვა კითხვა კინ მიოულარო. კითხვა შეილებ გეგშაგორე ჩქინ ვებგვერდშე ვარდა თი პუბლიკაციაშე, ნამუთ მოჩამილ რე ბუკლეტიშ ბოლო გვერდის. მოხუჯურ დროს ქიმიარზი ბროშურა „სახიოლო ამბე ღორონთიშე“ ვარდა შხვა პუბლიკაცია ოგურაფალ საშვალებეფშე.