გაუჯგუშით მსახურებაშ უნარეფი​—ქიმეხვარით მარადიულ ცხოვრებაშო განწყობილეფს გინირთან მოწაფეეფო

მუშენ რე მნიშვნელოვან: იეჰოვა ხეს უნწყუნს თის, ნამდა ჭეშმარიტებაშ თასიქ მირდას თინეფიშ გურს, მით „მარადიულ ცხოვრებაშო რე განწყობილ“ (საქ. 13:48; 1 კორ. 3:7). ჩქი შემლებნა ღორონც ხუჯ თით დუკინათ, ნამდა მთელ ყურადღება დუთმათ თინეფს, მიდგას ოკო ნაგურეფუშ გიმორნაფა (1 კორ. 9:26). ბიბლიაშ მაგურაფალეფს ჯგირო ოკო არჩქილედან, ნამდა ნათუა აუცილებერ რე გინასკილიდაფარო (1 პეტ. 3:21). შემლებნა მივეხვარათ თინეფს, გინირთან მოწაფეეფო. ათეშენ ვოგურუანთ თინეფს დოთირუან მუნეფიშ ცხოვრება, იქადაგან, ოგურუან შხვეფს დო დუდ მეუძღვინან იეჰოვას (მათ. 28:19, 20).

მუჭო ვაკეთათ თენა:

• ქუგაშინ ბიბლიაშ მაგურაფალეფს, ნამდა გურაფაშ მიზან რე ქიმეხვარას თინეფს გეჩინებაფუან იეჰოვა დო ასიამოვნან თის (იოან. 17:3)

• ქემეხვარ თინეფს მერუან თიცალ სირთულეეფს, მუნერით რე გლახა ჩვევეფ დო გლახა საზოგადოება. თეგვარო სულიერო მირდუნა

• გამანგარ თინეფ დო გურშა ელუკინ ნათუაშახ დო უკულ ხოლო (საქ. 14:22)

ქუჯინით ვიდეოს „იეჰოვა ქიმგეხვარებ“ დო უკულ ქუპასუხით თუდო მოჩამილ კითხვეფს:

• მუშენ შილებე პიროვნება დუც ურიდანდას მეძღვინუას დო ნათუას?

• მუჭო შეულებნა უხუცესეფს მეხვარან ბიბლიაშ მაგურაფალეფს, ნამდა სულიერო მირდან?

• მუს მოგურუანა ესაიაშ 41:10 იეჰოვაშ გურშენ?

• მუ თვისებეფ მიმეხვარებნა, არასრულყოფილებაშ უმკუჯინუო, იეჰოვას მუშ მოსაწონო ვემსახურათ?