9—15 აპრილი ქადაგება დო გურაფა — აუცილებერ რე მოწაფეეფიშ მამზადებელო

იესოქ მუშ მიმაჸუნალეფს უზოჯ მიდართან დო მამზადან მოწაფეეფი (მათ. 28:19). თეშა მიშურს ქადაგება დო გურაფა. დრო ხანიშ მიკულაწკუმა ართო ჩქინ დუც ოკო ქოპკითხათ: „მუჭო შემლებ გებუჯგუშე მოწაფეეფიშ მომზადებაშ თე აუცილებერჷ მხარეეფს?“

ქადაგება

თიშ მანგიორო, ნამდა ხალხის ვუჯინათ მუჟამ მოულა ჩქინდა, ჩქი ოკო ბგორათ აქტიურო „ღირსუანეფჷ“ (მათ. 10:11). ქიგმიბრინუანთო არძა საშვალებას მსახურებაშ დროს, ნამდა ქუდურაგადუათ ხალხის მიდგას შეფხვადუთ? (საქ. 17:17). ლიდიაქ მოციქულ პავლეშ გურგედვალირ ქადაგებაშ შედეგო გინირთ მოწაფეთ (საქ. 16:13—15).

ქუჯინით ვიდეოს „გაგრძელით უშულადუო ქადაგება — არაფორმალურო დო კარდოკარჷ“, უკულ ქუპასუხით თუდო მოჩამილ კითხვეფს:

• მუჭო ოძირუ სამუელქ მუშ ირდღაშიან ცხოვრებას, ნამდა ირნერო ოცადუდ დოთასკო ჭეშმარიტებაშ თასჷ?

• მუშენ ოკო გუვაგრძელათ მონაწილებაშ მეღება ქადაგებაშ არძა მხარეს?

• მიწკუმა შეილებ ირდღაშიან ცხოვრებას სამეფოშ გურშენ სახიოლო ამბეშ ქადაგება?

გურაფა

მოწაფეეფიშ მამზადებელო, დასაბაღ ვარე ხვალე ლიტერატურაშ დოტება. ჩქი უმოს მეტ ოკო ვაკეთათ. ხალხის სულიერო წიმი ულას ქიმვეხვარათინ, საჭირო რე კინ ქიმვაკითხუათ დო ვოგურუათ ბიბლია (1 კორ. 3:6—9). მარა მუ ოკო ვაკეთათ, მუჟამსით ჩქინ გურგედვალირ ქადაგებას ჭიჭე შედეგ მოუღჷ? (მათ. 13:19—22). ჩქი ოკო გუვაგრძელათ თინეფიშ გორუა, მიდგაშ გურჷ „ჯგირ დიხაცალ“ რე (მათ. 13:23; საქ. 13:48).

ქუჯინით ვიდეოს „გაგრძელით უშულადუო ქადაგება — საზოგადოებაშ შაყარუაშ ადგილეფს დო მამზადით მოწაფეეფჷ“, უკულ ქუპასუხით თუდო მოჩამილ კითხვეფს:

• მუჭო დოწყარეს ჭეშმარიტებაშ თასჷ სოლომონქ დო მარიაქ ეზეკიელიშ დო აბიგაილიშ გურს?

• მუ ოკო რდას ჩქინ მიზანჷ საზოგადოებაშ შაყარუაშ ადგილეფს ქადაგებაშ ვარდა მსახურებაშ შხვა სფეროეფს მონაწილებაშ დროს?

• მუჭო შემლებნა უმოს მეტ ყურადღება მივაქცუათ შხვეფშა ჭეშმარიტებაშ გურაფას?