ქორშუნან დო ვარ?

ქუგაფნანო გურგოჩამილო კითხირებულ „გინაჯინალ კოშკიშ“ ბოლო ნომერეფი? ქოძირით, მუჭო გაპასუხებენა თუდო მოჩამილ კითხვეფშა:

მუჭო ოკო მიქცუან ჯიმალეფქ, მაგალთო გილმალ ზედამხედველეფქ დო უხუცესეფქ, მუჟამსით ღორონთიშ ორგანიზაციაშე ღებულენა ხემძღვანელობას?

თინეფქ დემორჩილან ოკო ღორონთიშ ხემძღვანელობას დო მუნეფიშ დუც ქოკითხან: ქოუნწყუნქო ხეს შხვეფიშ სულიერობას? ხეთეშე ქობღებულენქო დო ქუვომორჩილუქო ხემძღვანელ ჯიმალეფიშ მითითებეფს? (w16.11, გვ. 11).

მუჟამ მოხვადეს ქრისტიანეფქ ბაბილონიშ ტყვეობას?

თექ მოციქულეფიშ ღურაშ უკულ ხეთეშე მოხვად. თე დროს გამკორჩქინდ სამღვდელო კლასიქ. ეკლესიაქ დო სახელმწიფოქ ხე ქეშუნწყუ განშეულირ ქრისტიანობას დო ოცადუდ ჭეშმარიტ ქრისტიანეფიშ განადგურებას. მარა 1914 წანაშახ ვითობით წანას, ღორონთიშ შურით ცხებულ მსახურეფი გიშმეშეს ბაბილონიშ ტყვეობაშე (w16.11, გვ. 23—25).

მუშენ რდუ ლეფევრ დ’ეტაპლიშ ნამუშერ მნიშვნელოვან?

1520-იან წანეფს ლეფევრ დ’ეტაპლი თარგმნუნდ ბიბლიას ფრანგულ ნინაშა, მუშენდა ოკოდ თინა უბრალო ხალხის ხოლო წუკითხირუდკო. თინა ბიბლიურ მონაკვეთეფს გასაგებო ენწყუნდ დო თექ მანგარო იმოქმედ მარტინ ლუთერ, უილიამ ტინდალი დო ჯონ კალვინწკუმ (wp16.6, გვ. 10—12).

მუ განსხვავება რე ფრაზეფ შქას „ხორციელშენ ფიქრი“ დო „სულიერშენ ფიქრი“? (რომ. 8:6).

პიროვნება, ნამუთ ხორციელშენ ფიქრენსინ, ირიათო ხორციელშე რაგადანს დო მოწონს ხორციშ საქმეეფი. თეშ გინაწონს, ქრისტიანი, ნამუშ ცხოვრებას პირველ ადგილ უკინებ ღორონთის დო თიშ აზრეფშენ ფიქრენსინ, წმინდა შურით რე ეფშა. ხორციელშენ ფიქრი ნიშნენს ღურას, სულიერშენ ფიქრის სიცოცხლე დო მშვიდობა მოუღ (w16.12, გვ.15—17).

მუჭო შემლებნა ოწუხებელიშ ექექაფა?

ოწუხებელიშ ექექაფას მიმეხვარებნა თე საშვალებეფი: სწორ პრიორიტეტეფი, რეალურ მოლოდინ, მოსვანჯა, იეჰოვაშ გუნაჭყეფშე ფიქრი, იუმორიშ გრძნობა, ვარჯიში დო ჯგირო გიმორულაფა(w16.12, გვ. 22, 23).

მუს ნიშნენს „ენოქიქ გინოჸუნაფილქ იჸუ, ნამდა ვაუძირუდკო ღურა?“ (ებრ. 11:5).

მუჭოთ იძირენ, ენოქიქ ღორონთიშ ხეშე ღურ, თიშნერო ნამდა მუთუნ ვაუგინაფ (wp17.1, გვ.12, 13).

მუშენ რე მოკრძალება მნიშვნელოვან?

მოკრძალება ნიშნენს, სწორას შევაფასათ თინა, მუ შემლებნა დო მუ ვარ. ჩქი ოკო მარჩქილედან, მუჭო იმოქმედებ ჩქინ საქციელ შხვეფწკუმა დო დიდ წარმოდგენა ვამღუდან ჩქინ დუდშე (w17.01, გვ. 18).

სოვრეშე იძირე, ნამდა ღორონთი ხემძღვანელენდ ხემძღვანელ საბჭოს პირველ საუკუნეს დო ამდღა ხოლო ხემძღვანელენს ხემძღვანელ საბჭოს?

პირველ საუკუნეს ხემძღვანელ საბჭოშ წევრეფი ინანჭუდეს ბიბლიურ გურაფეფს. ანგელოზეფიშ მოხვარათ თინეფ ხემძღვანელენდეს ქადაქებაშ საქმეს, თეშ გარდა გიმირინუანდეს ღორონთიშ სიტყვას, მუჟამსით შხვეფს არძენდეს მითითებეფს. ამდღა ხოლო ხემძღვანელ საბჭო თე მაგალითის მეჸუნს (w17.02, გვ. 26—28).

მუშენ რე გიშაჸიდირალ ძვირფას ძღვინი?

ჩქი ოკო დეფიფქრათ ოთხი ფაქტორშენ: მიშე მიბღით თე ძღვინი? მუ მოტივით მუჩეს? მუქ იჸუ თიშო გინოგაფილქ? ქორდ დო ვარ თინა, მუთ მოსაჭირდეს (wp17.2, გვ. 4—6).

ქიშულებ დო ვარ ქრისტიანს დოთირუას მუშ აზრი, მუდგარენ საკითხიშ გინოჭყვიდუაშ უკულ?

ჩქი ჩქინ სიტყვა ოკო შევასრულათ. მარა მინშა საჭირო რე კინ ქიგნვოჯინათ ჩქინ გინნაჭყვიდირა საკითხის. ღორონთიქ დოთირუ მუშ აზრი, მუჟამსით ნინეველეფქ მინანუეს დო ვაგანადგურ თინეფ. მინშა ახალ გარემოებეფიშ ვარდა ინფორმაციაშ გურშენ შილებე ჩქი ხოლო მაჸუან ოთირალქ ჩქინ გინნაჭყვიდირა საკითხშენ აზრიქ (w17.03, გვ. 16, 17).

მუშენ რე უარყოფით ჩიება გლახა?

ემოციეფი ვაგვაკონტროლით-და, შილებე ხოლო უმოსო დეძაბას სიტუაციაქ. მართალ ვორეთ დო ვარ მტყუან, უარყოფით რაგადით სიტუაცია დღას ვეგშმანწყუენა (w17.04, გვ. 21).