ქორშუნან დო ვარ?

ყურადღებათ წეკითხითო თე წანაშ „გინაჯინალ კოშკიშ“ სტატიეფ? ქოძირით, მუჭო გაპასუხებენა თუდო მოჩამილ კითხვეფშა:

მუ გინმოჭყვიდირაფუანა, დიდება უძღვინათ იეჰოვას?

თაშ თიშენ იფქციებუთ, ნამდა მთელ გურით პატის ფცენთჷ დო მიჸორა თინა. თეწკუმა ართო, იეჰოვას თიშენ ხოლო განვადიდენთ, ნამდა მოკონა, შხვეფქ ხოლო გეჩინებაფუან ღორონთ (w25.01, გვ. 3).

მითინქ ქუმოწყინუეს-და, მუ მიმეხვარებუნა, უმოს ადვილო ქუვაპატუათ?

მართალ რე, ჩქი თოლს ვა პწკურუნთ ჩქინ გრძნობეფშე, მარა იფთხინუანთ წყენას დო გურიშმოულას, მუდგათ თიშ გლახა შედეგეფშე იფთხილანთ დუდის (w25.02, გვ. 15, 16).

მუშენ რე მარკოზ ახალგაზრდა ჯიმალეფშო ჯგირ მაგალით?

მარკოზ მზათ რდჷ იეჰოვაშო უმოსიშ ოკეთებელო. თიშ უმკუჯინუო, ნამდა მინშა თის გურ ხოლო ქალაჭვედ მუდგარენეფშე, იშენით ვემუტებ ღორონთიშ მსახურება. მარკოზის ხოლოშიან ურთიერთობა უღუდ ქოთ პავლეწკუმა დო ქოთ შხვა მოწიფულ ჯიმალეფწკუმა (w25.04, გვ. 27).

მუს გულისხმენდჷ იესო, მუჟამსით ლოცვას თქუ: „მა სქან სახელ გაუცხად თინეფს“? (იოან. 17:26).

თიშ მოწაფეეფს თეშით ხოლო უჩქუდეს ღორონთიშ სახელ. მარა, თეშნერო, იესოქ მუშ მიმაჸუნალეფს უჯგუშო გაჩინებაფუ იეჰოვა – ქუგაგებაფუ, მუ რე თიშ განზრახვა, მუ აფჷ ნაკეთებ, მუს გაკეთენს დო მუნერ თვისებეფ უღჷ (w25.05, გვ. 20, 21).

მუ მარჩქილედან იჸი, მოკრძალებურეფ ქუვორეთ-და?

მოკრძალებურეფ ქუვორეთ-და, მარჩქილედან იჸი, ნამდა ირფელ ვა მიჩქუნა. მაგალთო, ვა მიჩქუნა, მუჟამ დოდირთუ თე ქიანაშ ბოლო დო მუ შილებე აკეთას თი დროს იეჰოვაქ. ვართ თინა მიჩქუნა, ჭუმან მუ მოხვადუ ვარდა მუსხით ჯგირო მიჩინენა იეჰოვა (w25.06, გვ. 15–18).

მუშ კეთება შემლებუნა, ნამდა სტატიაქ ვარდა მოხსენებაქ ქაწმოდირთან?

ჩქინ დუდის ოკო ქოპკითხათ: მუ მტკიცებულება რე თაქ მოჸუნაფილ, მუთ ნამდგაინ ბიბლიურ გურაფაშ ჭეშმარიტებას ოძირანს? ხომ ვა რდჷ თაქ თიცალ ჯგირ მაგალით მოშინაფილ, ნამდგაშ გიმორნაფა შემლებ შხვეფშა ჭეშმარიტებაშ გურაფაშ დროს? მიშო შილებე თე საკითხ საინტერესო რდასჷ დო მუჟამ იჸუაფ ჯგირ თიწკუმა ჩიება? (w25.07, გვ. 19).

იეჰოვაქ დავითის მუჭო მექცუნ თევრეშე მუს ბგურაფლენთ თიშ პატიებაშე?

თიშ უმკუჯინუო, ნამდა დავითიქ მუსხირენშა სერიოზულო დაშუ, მუჟამსით მთელ გურით ინარღჷ, იეჰოვაქ ქაპატუ თის (1 მეფ. 9:4, 5). მუჟამსით ღორონთ კოჩის პატიენს, დღას ვეგთუშინანს დაშებულს დო პასუხის ვა მოთხინს თიშ გურშენ (w25.08, გვ. 17).

მუშ კეთება შეილებუნა ბიბლიაშ მაგურაფალს მუდგაინ საკითხიშ ინონჭაფა ქუჭირს-და?

ირნერო ქეცადით, ბიბლიაშე გეუნწყითკო, მარა მაგურაფალს საკითხიშ ინონჭაფა იშენით ქუჭირს-და, უჯგუშ იჸი, ბრელ ხანს ვეგეჩენდათ; გაგრძელით გურაფა დო უკულ შხვა დროს დართით თი საკითხის (w25.09, გვ. 24).

მუს ნიშნენს, ნამდა ცოდაშ ძალა ოჩილითუანს კოჩის? (ებრ. 3:13).

არასწორს მოკეთებაფუანან თეწკუმა ართო, ცოდამ მდგომარეობა ეჭვეფს ხოლო მირჩქინანა. მაგალთო, იეჰოვაშ ჸოროფაშა მიშმოღალაფუანა ეჭვის (w25.10, გვ. 16).

მუ სუმ მუდგარენ გინაშქვანს ჩქინ ლოცვას უმოს აზრიანო?

1) დეფიფქრათ იეჰოვაშ თვისებეფშე, 2) დეფიფქრათ კონკრეტულო მუ პრობლემეფ მიღუნა ასე, მაგალთო, მითინშა ხომ ვა მაფუნა მუთუნ ოპატიებელ, დო 3) ბრელ ხანს ქიბლოცათ. თენა ქიმმეხვარებუნა, უჯგუშო ქივეჩუათ იეჰოვას, მუს ბგინაფლენთ (w25.10, გვ. 19, 20).

მუჭო შემლებუნა მივეხვარათ ხანშამიშულირეფს?

შემლებუნა ქიმვაკითხუათ ვარდა დურეკათ ხანშამიშულირ და დო ჯიმალეფს, ექიმშა მიდვაჸუნათ ვარდა თინეფწკუმა ართო მსახურებაშ შხვადოშხვა ფორმას მიბღათ მონაწილება (w25.11, გვ. 6, 7).

ნამ მნიშვნელოვან მხარეეფს ოკო დეკვირას წყვილქ, ნამდა კამპანიაქ იეჰოვაშ მოსაწონქ ქიჸუას?

მიაჸუნით ქორწინებაწკუმა დაკავშირებულ მთავრობაშ კანონეფს. დერწმუნით, ნამდა თიცალ გარემო გაღვენუნა, სოვრეშეთ იეჰოვაშ წმინდა შურიშ თვისებეფ იძირედას იჸი. ქიმკიქუნით მოკრძალებურო დო ირნერო ეუჩილითეთ დუდ თიცალ ტრადიციეფს დო წესეფს, ნამუთ ბიბლიას ვემურე. პატიცემათ ქიჩით თქვან გეგმეფიშ გურშენ, მუჭოთ ართიანწკუმა თეშ თქვან ოჯახეფწკუმა (w25.12, გვ. 21–24).