დაფასით სიცოცხლეშ ძღვინ

სიცოცხლე ეფშა რე სასიამოვნო მომენტეფით. თიმწკუმა ხოლო, მუჟამსით პრობლემეფს შეფხვადუთ, შემლებნა გეფხარათ ცხოვრებათ. მუჭო შემლებნა ვოძირუათ, ნამდა სიცოცხლეშ ძღვინიშ მარდულეფ ვორეთ დო მუ მნიშვნელოვან მიზეზ მიღნა თეშ ოკეთებელო?

1. მუშენ ოკო დუვაფასათ სიცოცხლე?

ჩქი ოკო დუვაფასათ სიცოცხლე, მუშენდა თინა ძღვინ რე ჩქინ მოჸოროფე მუმა იეჰოვაშე, ნამუთ რე „სიცოცხლეშ წყარო“ დო ირფელ ცოცხალიშ გუმაჭყაფალ (ფსალმუნი 36:9). თინა „იშო არზენს არძას სიცოცხლეს, სუნთქვას დო ირფელს“ (საქმეები 17:25, 28). იეჰოვა ირფელს მარზენა, მუთ სიცოცხლეშო მოსაჭირნა. მარა ხვალე თენა ვარინ, თინა მარზენა საშვალებას, გეფხარათ ცხოვრებათ (წეკითხით საქმეეფიშ 14:17).

2. მუჭო შემლებნა ვოძირუათ იეჰოვას, ნამდა მარდულეფ ვორეთ სიცოცხლეშ ძღვინშე?

იეჰოვა ზრუნენს თქვანდე ჩასახვაშ მომენტშე. ღორონთიშ შთაგონებათ, თიშ ართ-ართ მსახურქ, დავითიქ, თის უწუ: „სქან თოლეფქ თიმწკუმა ბძირ, მუჟამსით დიო ხოლო ჩანასახ ვორდჷ“ (ფსალმუნი 139:16). იეჰოვა მანგარო აფასენს თქვან სიცოცხლეს (წეკითხით მათეშ 10:29—31). თის მანგარო აწყუნე გურ, მუჟამსით მიდგაინ მუშ ვარდა შხვაშ სიცოცხლეს გარძახ მოსპუნსa (გამოსვლა 20:13). იეჰოვას თინა ხოლო ქუჭუანს გურს, მუჟამსით აუცილებერ ვა რენ თიმწკუმა ჩქინ სიცოცხლეს საფრთხეშა ქენიპჸოთანთ ვარდა ვებზრუნენთ შხვეფიშ უსაფრთხოებაშენ. მუჟამსით ბზრუნენთ მუჭოთ ჩქინ, თეშ შხვეფიშ სიცოცხლეშე ვოძირანთ, ნამდა ვაფასენთ სიცოცხლეშ სარკო ძღვინს.

ქიგეგით უმოს

3. ქიზრუნით თქვან ჯამრთელობაშე

ღორონთშა მეძღვინელ ქრისტიანეფ ცხოვრებაშ ირნერ მხარეს ოძირანა, ნამდა ომსახურნა თის. თინეფქ ოკო მიკაჯინან მუნეფიშ ჯამრთელობას, მუშენდა ღორონთის „სხეულ ცოცხალ, წმინდა, თიშო მოსაწონ მსხვერპლო“ ოკო მეუძღვინან. წეკითხით რომაელეფიშ 12:1, 2 დო უკულ გარჩით თუდო მოჩამილ კითხვეფ:

• მუქ ოკო აღგძრან, ნამდა იზრუნათ თქვან ჯამრთელობაშე?

• ნამ საშვალებეფით შეილებნა თეშ კეთება?

4. ქიზრუნით მუჭოთ თქვან, თეშ შხვეფიშ უსაფრთხოებაშე

ბიბლია ელამჩანა, დუდ ევუჩილითუათ სახიფათო საქმეეფს. ქოძირით ვიდეო დო ქიგეგით, მუშ კეთება შეილებნა, ნამდა რდათ უსაფრთხოთ.

ვიდეო: „ყურადღება ქიმიაქცი უსაფრთხოებას“ (8:34)

წეკითხით იგავეფიშ 22:3 დო უკულ გარჩით, მუჭო შეილებნა თქვა დო შხვეფ რდათ უსაფრთხოთ, მუჟამსით . . .

• ჸუდეს რეთ

• სამუშას რეთ

• სპორტით რეთ დაკავებულ

• ტრანსპორტ თქვა მერჸუნა ვარდა შხვას მითუხეთ

5. დაფასით დიო დაბადებულ ვა რენ ფერ ბაღანაშ სიცოცხლე

დავითიქ მხატვრულო ენწყჷ, ნამდა იეჰოვა დაინტერესებულ რე დიო დაბადებულ ვა რენ ფერ ბაღანაშ სიცოცხლეთ დო დიდაშ საშვილოსნოს თიშ რდუალაშ პროცესით. წეკითხით ფსალმუნიშ 139:13—17 დო უკულ გარჩით თუდო მოჩამილ კითხვა:

• იეჰოვაშ თოლს, მუჟამ იჭყაფ ადამიანიშ სიცოცხლე — ჩასახვაშ დოვარ დაბადებაშ უკულ?

ისრაელეფშა მეჩამილ იეჰოვაშ კანონეფ თხილანდჷ დიდალეფს დო მუნეფიშ დიო დაბადებულ ვა რდუნ ფერ ბაღანეფს. წეკითხით გამოსვლაშ 21:22, 23 დო უკულ გარჩით თუდო მოჩამილ კითხვეფ:

• მუჭო უჯინედ იეჰოვა თიცალ პიროვნებას, მით შემთხვევით დოვილჸუნდჷ დიო დაბადებულ ვა რდუნ ფერ ბაღანას?

• მუჭო იგინანდჷ იეჰოვა დუდის, მუჟამსით მიდგაინ გარძახ გაკეთენდჷ თეს?b

• მუს ფიქრენთ ღორონთიშ შეხედულებაშ გურშენ?

ქოძირით ვიდეო..

ვიდეო: „ქაფასენქო სიცოცხლეს თეშ, მუჭოთ ღორონთ აფასენს?“ (5:00)

თიცალ ოსურკოჩიქ ხოლო, ნამუთ აფასენს სიცოცხლეს, შილებე იფიქრას, ნამდა აბორტიშ კეთებაშ მეტ შხვა შარა ვა უღჷ. წეკითხით ესაიაშ 41:10 დო უკულ გარჩით თუდო მოჩამილ კითხვა:

• ოსურკოჩის აბორტიშ კეთებას ქანძალენან-და, მიშა შეულებ მოხვარაშ თხუალა დო მუშენ?

დასკვნა

ბიბლია მოგურუანა, ნამდა მიჸორდან, პატი ფცათ დო დოფთხილუათ იეჰოვაშე მეღებულ სიცოცხლეშ ძღვინ. თეშა მუჭოთ ჩქინ, თეშ შხვეფიშ სიცოცხლე ხოლო მიშურს.

გამეორებელ კითხვეფ

• მუშენ რე ადამიანეფიშ სიცოცხლე იეჰოვაშო ძვირფას?

• მუს გინაფლენს იეჰოვა, მუჟამსით მიდგაინ გარძახ სპუნს მუშ ვარდა შხვაშ სიცოცხლეს?

• მუშენ რეთ სიცოცხლეშ ძღვინიშ მარდულ?

დამატებით მასალა

მუჭო შემლებნა, სიცოცხლეშ ძღვინიშ გურშენ მარდულობა ქუვოძირუათ იეჰოვას?

ობირეში 141: „სიცოცხლე — ძვირფას საჩუქარი (2:41)

ქიგეგით პასუხ კითხვაშე: „ქაპატიენსო ღორონთ ოსურკოჩის, ნამდგას აბორტ აფჷ ნაკეთებ?

„მუს იჩიებ ბიბლია აბორტიშ გურშენ?“ (ვებ მასალა)

ქოძირით, მუჭო ოკო იმოქმედას სიცოცხლეშ გურშენ ღორონთიშ შეხედულებაქ თიშა, მუნერ გართობას გიშებგორუნთ?

„ექსტრემალურ სპორტ — ქოღირნო დო ვარ რისკშა ულა?“ („გეგშაკურცხით!“ 8 ოქტომბერი, 2000 წ.)

მუ ოკო აკეთას პიროვნებაქ, დუდიშ ჸვილუაშ აზრეფ ქუმალენ-და? ქოძირით, მუჭო შეულებ ბიბლიას მოხვარა.

„შეულებნო ბიბლიას თქვან მოხვარა დუდიშ ჸვილუაშე ქოფიქრენთ-და?“ (ვებ მასალა)